【慎入】【內容可能引起不安】談黃秋生血腥三部曲：劇本要寫得好，血腥場景先唔會顯得突兀/無厘頭。
被網友/影迷奉為神作嘅【八仙飯店】、【伊波拉病毒】，刻意賣弄色情與暴力血腥，挑戰觀眾感官上嘅極限。我唔鐘意，唔係因為我抗拒血腥戲，而係因為我覺得劇本寫得唔夠好。當劇本寫得唔夠好嘅時候，賣弄血腥可能就變成負資產。冇錯，一樣大把人睇得好過癮，咁，日本都有好多呢類無厘頭嘅殺戮戲，既然過癮就代表一切，劇本連貫性係唔需要在意，咁日本或者外國有更多更好嘅選擇。
【八仙飯店】取材於真人真事嘅八仙飯店滅門案，但改編偏離事實，八仙飯店東主全家失蹤並且某位親屬嘅肢解被搵到，但何來黃志恆承認整成人肉叉燒包之說？而警方亦冇證據證明到佢係整成人肉叉燒包售賣。
無論戲內定戲外，都係外界揣測，而非事實真相。
1：即如果真係整成人肉叉燒包，咁點解仲會俾警方搵到部分殘肢？冇理由頭骨胸骨等骨頭就溶到，手手腳腳嘅骨就溶唔到所以要棄置。假設兇手整叉燒包係為咗令到警方搵唔到證據，咁點解零零舍舍要棄置殘肢等警方喺海邊搵到？一次過全部煲湯又好整包都得或者整燒骨腩。
2：當現實同劇情都存在咁多講唔清楚嘅疑點，仲特登整套電影去賣弄血腥暴力，先唔好講對兇手唔公平，係同成個故事唔夾呀嘛。就算係獨立一個原創故事，整叉燒包但流出殘肢，呢個兇手係咪減價拋售劇本，慌死警方唔拉佢咁？
3：兇手獄中兩度自殺，臨死前遺書都講，佢冇做過，之前係俾警方疲勞轟炸先認罪，而且佢亦呼籲外界唔好對佢妻兒苛刻，佢妻兒係冇罪咖。一個人到死個一刻都堅稱自己冇做過，甚至關心妻兒。
你要我點樣相信真實嘅兇手如同電影【八仙飯店】入面嘅王志恆一樣，夥計話佢出千佢又殺，女收銀辭職佢又姦殺，最後仲將人哋一家幾口通通殺害再整成人肉叉燒包販賣？
改編真人真事，我個人認為唔應該咁。正如拍一套戲，唔會描寫某位慰安婦俾日軍強姦完愛上某位日軍將領。創作都唔應該咁創作，呃likes博人關注都唔應該咁掛。所以我咪唔鐘意【八仙飯店】呢套戲，加上上上面都講咗，劇情有犯駁位。
【八仙飯店】嘅王志恆根本係一個戲劇化嘅變態狂徒，而呢套戲票房千幾萬，黃秋生亦攞金像獎影帝。
【伊波拉病毒】，好明顯就係跟風創作天才王晶嘅傑作。佢覺得賣弄血腥暴力有得做呀，咪變本加厲咁炮製【非洲漢堡包】，如果【伊波拉病毒】又票房高企，肯定之後就會有【利賓納殺人事件】、【彌敦道地下水管】……一樣可以賣弄血腥暴力色情。
可惜【伊波拉病毒】得個百幾萬票房。
講返【伊波拉病毒】，就係香港無厘頭血腥戲嘅巔峰。可以同日本【拜訪者Q】呢類電影爭邊個先係cult片之王。
其實睇無厘頭肢解人體係咪真係咁好睇？為肢解而肢解，劇本又唔解釋清楚點解要咁做嘅時候，咁肢解咪變成純娛樂嘅戲碼？咁愛好血腥嘅觀眾，點解唔直接去雞市場或者魚市場，現場望住睇住人哋劏雞劏魚，血腥味撲鼻而來，唔係仲好feel？又或者去做有關解剖人體嘅行業等等。何必望住電影入面明知道係動物肉但你要幻想係人肉……然後話正呀……
【伊波拉病毒】呢啲戲一笑無妨，至少唔會好似【八仙飯店】咁改編真人真事但不盡不實，甚至誇大事實，令人每每提起八仙飯店同黃志恆，腦海中就諗起人肉叉燒包……
劇本劇本，一劇之本，如果劇本寫得唔夠好，啲血腥場景係為擺而擺，咁咪好突兀……阿雞明明係被逼到絕境而反擊，點解又會如此兇殘？笑住肢解人哋，玩弄人肉，乜佢真係咁變態？唔係呀，佢最後返香港搵舊情人呀霞，我係見到阿雞好傻好溫柔，一啲都唔似嗰個夾爆對佢唔算太差嘅老闆嘅頭嘅癲佬？尤其係當阿雞知道阿霞報警拉佢之後，見到阿霞病發訓喺地下典下典下，阿雞係好關心阿霞，仲督促警方call白車。
所以我唔鐘意【伊波拉病毒】，係覺得個劇本唔夠好呀，角色描寫唔連貫嘅，如果阿雞係精神分裂，咁點解冇任何場景說明佢係精神分裂？唔似【八仙飯店】咁，一睇就知道王志恆變態。
三部曲，黃秋生話【失眠】係第三部曲，但其實三個故事都冇任何劇情關聯，只不過又係邱禮濤同黃秋生合作嘅變態劇情片。
我唔知今次【失眠】係復刻【伊波拉病毒】定點，但單憑佢預告片同簡介，我覺得佢今次嘅血腥場景應該好過【伊波拉病毒】同【八仙飯店】，劇本如果寫得好，血腥場景咪唔顯得突兀。正如預告片話黃秋生切人陰莖，原來係一個自責嘅漢奸對日本軍官嘅以暴易暴，咁咪令人睇得痛苦而又融入到劇情，電影主打報應論，橫跨兩個時代，創意分夠。都係個句，我只能夠講，我對之前嘅【八仙飯店】同【伊波拉病毒】，唔鐘意嘅原因在於劇本唔夠好。
真心希望【失眠】嘅劇本係好，咁成套戲就唔只滿足觀眾嘅官能刺激，亦能引起大家嘅反思。同埋同大家講聲sorry，我（男版主）文筆太差，女版主（魚魚）就齋talk唔打文，令大家誤會咗我哋係講新戲，其實我哋都係講緊舊戲，歡迎大家俾啲意見，我同魚魚會繼續努力寫多啲文，亦歡迎大家發表下對以上三套港產片嘅睇法！
【失眠】故事簡介：
著名大學醫學院教授林惜家（黃秋生 飾），專門研究人類可以長時間不需睡眠的方法。一天，前女友丘夢熙（吳俐璇 飾）突然現身求助，原來她的家人全部患上失眠症，病情去到末期，病人更會陷入失常狀態、極具攻擊性！為探究真相，林惜家開始連串恐怖實驗：潛入停屍間偷取病人大腦，又把丘夢熙關在密室軟禁，藉此研究睡眠和大腦蛋白質之間的關係…隨著實驗愈深入，蹊蹺的事情不斷在丘夢熙身上發生；就連林惜家也看似受感染，心底開始出現吃人肉的慾望… 原來一切牽涉到45年前，孿生姐妹侯文媛和侯文禎（衛詩雅 分飾）的一宗倫常慘案有關！
【八仙飯店】取材於真人真事嘅八仙飯店滅門案，但改編偏離事實，八仙飯店東主全家失蹤並且某位親屬嘅肢解被搵到，但何來黃志恆承認整成人肉叉燒包之說？而警方亦冇證據證明到佢係整成人肉叉燒包售賣。
無論戲內定戲外，都係外界揣測，而非事實真相。
1：即如果真係整成人肉叉燒包，咁點解仲會俾警方搵到部分殘肢？冇理由頭骨胸骨等骨頭就溶到，手手腳腳嘅骨就溶唔到所以要棄置。假設兇手整叉燒包係為咗令到警方搵唔到證據，咁點解零零舍舍要棄置殘肢等警方喺海邊搵到？一次過全部煲湯又好整包都得或者整燒骨腩。
2：當現實同劇情都存在咁多講唔清楚嘅疑點，仲特登整套電影去賣弄血腥暴力，先唔好講對兇手唔公平，係同成個故事唔夾呀嘛。就算係獨立一個原創故事，整叉燒包但流出殘肢，呢個兇手係咪減價拋售劇本，慌死警方唔拉佢咁？
3：兇手獄中兩度自殺，臨死前遺書都講，佢冇做過，之前係俾警方疲勞轟炸先認罪，而且佢亦呼籲外界唔好對佢妻兒苛刻，佢妻兒係冇罪咖。一個人到死個一刻都堅稱自己冇做過，甚至關心妻兒。
你要我點樣相信真實嘅兇手如同電影【八仙飯店】入面嘅王志恆一樣，夥計話佢出千佢又殺，女收銀辭職佢又姦殺，最後仲將人哋一家幾口通通殺害再整成人肉叉燒包販賣？
改編真人真事，我個人認為唔應該咁。正如拍一套戲，唔會描寫某位慰安婦俾日軍強姦完愛上某位日軍將領。創作都唔應該咁創作，呃likes博人關注都唔應該咁掛。所以我咪唔鐘意【八仙飯店】呢套戲，加上上上面都講咗，劇情有犯駁位。
【八仙飯店】嘅王志恆根本係一個戲劇化嘅變態狂徒，而呢套戲票房千幾萬，黃秋生亦攞金像獎影帝。
【伊波拉病毒】，好明顯就係跟風創作天才王晶嘅傑作。佢覺得賣弄血腥暴力有得做呀，咪變本加厲咁炮製【非洲漢堡包】，如果【伊波拉病毒】又票房高企，肯定之後就會有【利賓納殺人事件】、【彌敦道地下水管】……一樣可以賣弄血腥暴力色情。
可惜【伊波拉病毒】得個百幾萬票房。
講返【伊波拉病毒】，就係香港無厘頭血腥戲嘅巔峰。可以同日本【拜訪者Q】呢類電影爭邊個先係cult片之王。
其實睇無厘頭肢解人體係咪真係咁好睇？為肢解而肢解，劇本又唔解釋清楚點解要咁做嘅時候，咁肢解咪變成純娛樂嘅戲碼？咁愛好血腥嘅觀眾，點解唔直接去雞市場或者魚市場，現場望住睇住人哋劏雞劏魚，血腥味撲鼻而來，唔係仲好feel？又或者去做有關解剖人體嘅行業等等。何必望住電影入面明知道係動物肉但你要幻想係人肉……然後話正呀……
【伊波拉病毒】呢啲戲一笑無妨，至少唔會好似【八仙飯店】咁改編真人真事但不盡不實，甚至誇大事實，令人每每提起八仙飯店同黃志恆，腦海中就諗起人肉叉燒包……
劇本劇本，一劇之本，如果劇本寫得唔夠好，啲血腥場景係為擺而擺，咁咪好突兀……阿雞明明係被逼到絕境而反擊，點解又會如此兇殘？笑住肢解人哋，玩弄人肉，乜佢真係咁變態？唔係呀，佢最後返香港搵舊情人呀霞，我係見到阿雞好傻好溫柔，一啲都唔似嗰個夾爆對佢唔算太差嘅老闆嘅頭嘅癲佬？尤其係當阿雞知道阿霞報警拉佢之後，見到阿霞病發訓喺地下典下典下，阿雞係好關心阿霞，仲督促警方call白車。
所以我唔鐘意【伊波拉病毒】，係覺得個劇本唔夠好呀，角色描寫唔連貫嘅，如果阿雞係精神分裂，咁點解冇任何場景說明佢係精神分裂？唔似【八仙飯店】咁，一睇就知道王志恆變態。
三部曲，黃秋生話【失眠】係第三部曲，但其實三個故事都冇任何劇情關聯，只不過又係邱禮濤同黃秋生合作嘅變態劇情片。
我唔知今次【失眠】係復刻【伊波拉病毒】定點，但單憑佢預告片同簡介，我覺得佢今次嘅血腥場景應該好過【伊波拉病毒】同【八仙飯店】，劇本如果寫得好，血腥場景咪唔顯得突兀。正如預告片話黃秋生切人陰莖，原來係一個自責嘅漢奸對日本軍官嘅以暴易暴，咁咪令人睇得痛苦而又融入到劇情，電影主打報應論，橫跨兩個時代，創意分夠。都係個句，我只能夠講，我對之前嘅【八仙飯店】同【伊波拉病毒】，唔鐘意嘅原因在於劇本唔夠好。
真心希望【失眠】嘅劇本係好，咁成套戲就唔只滿足觀眾嘅官能刺激，亦能引起大家嘅反思。同埋同大家講聲sorry，我（男版主）文筆太差，女版主（魚魚）就齋talk唔打文，令大家誤會咗我哋係講新戲，其實我哋都係講緊舊戲，歡迎大家俾啲意見，我同魚魚會繼續努力寫多啲文，亦歡迎大家發表下對以上三套港產片嘅睇法！
【失眠】故事簡介：
著名大學醫學院教授林惜家（黃秋生 飾），專門研究人類可以長時間不需睡眠的方法。一天，前女友丘夢熙（吳俐璇 飾）突然現身求助，原來她的家人全部患上失眠症，病情去到末期，病人更會陷入失常狀態、極具攻擊性！為探究真相，林惜家開始連串恐怖實驗：潛入停屍間偷取病人大腦，又把丘夢熙關在密室軟禁，藉此研究睡眠和大腦蛋白質之間的關係…隨著實驗愈深入，蹊蹺的事情不斷在丘夢熙身上發生；就連林惜家也看似受感染，心底開始出現吃人肉的慾望… 原來一切牽涉到45年前，孿生姐妹侯文媛和侯文禎（衛詩雅 分飾）的一宗倫常慘案有關！