《成一年，都未見過面既同居情侶》
原本，今日我男朋友話同我去食豪D既野，點知就係我啱啱諗住打俾佢，去邊度食野，就收到佢既message。
「Sorry啊！今日要OT啊！」
佢話佢今日走唔到，最晏都要留到去12點，俾個大老細睇住……咁冇計la，工作一路係佢心入面，永遠都係排第一，唔通要我勉強去佢公司拉佢走咩，如果我咁樣做，同一個港女又有咩分別。
原來，一個人出街食飯真係好悶架，我去左一間快餐店叫左一個焗豬扒飯，平時我同我男朋友啊榮落街食野，都會叫個火鍋黎食，起碼唔洗又食埋D一式一樣既頹廢餐。依家，唯有一邊食住焗豬，一邊wtp啊榮，問佢幾時有得收工，順便解下悶。
我自己本身亦都係一個OL，知道加班哩D野，有時真係控制唔黎ge，老闆叫落，誓死追隨。嗱，你想早D可以收工訓覺，定係冇左份工，有時，真係冇得簡，我地兩個人已經二十幾歲，典型既九十後同居情侶關係。都算係有間劏房住吓咁，公屋排左二年左右，都仲未上到樓，連兩個人既感情關係都只係靠表情符號黎keep住，我㩒得最多既表情符號亦都係心心，kisskiss，但係佢真實既表情，我就從來都唔知道。
我同啊榮既番工時間每日都係朝九晚十，朝夕相對的時間幾乎唔會有咁滯，每次放工cal佢，唔係我OT就係啊榮OT。我既啊爸同啊媽都洗日叫我同啊榮唔好成日淨係掛住搵錢，我諗佢地係太過想抱孫，所以一直都冇理過佢地。但係如果唔搏命趁輕生搵多D錢，又點樣養得到佢地，我同啊榮只不過係唔想將來養唔起佢地姐。
「唔洗等我la，大把野未做，你訓先！」
啊榮send左條message俾我，我回左一個沮喪既表情符號就匆匆忙撘小巴番屋企。原本今日諗住可以兩人獨光晚餐，食豪佢，睇黎都係冇可能，我地兩個自從搬左出黎住之後，基本連相對既時間都少之有少，有時，我會好懷疑，我地到底係咪住埋一齊。
連續幾個月都係咁不停工作，依家我剩係希望，番到屋企有覺可以訓，有個安身之所，其他野我已經別無所求，可能哩D就係明知已經冇可能改變社會現狀，再力求改變，亦都只會係徒勞無功。
至於我地既買樓計劃，我諗好似我地咁輕生就搬出黎住既情侶，講下就好la，香港買樓實在太難了，何況係上樓。
「Sorry啊！今日要OT啊！」
佢話佢今日走唔到，最晏都要留到去12點，俾個大老細睇住……咁冇計la，工作一路係佢心入面，永遠都係排第一，唔通要我勉強去佢公司拉佢走咩，如果我咁樣做，同一個港女又有咩分別。
原來，一個人出街食飯真係好悶架，我去左一間快餐店叫左一個焗豬扒飯，平時我同我男朋友啊榮落街食野，都會叫個火鍋黎食，起碼唔洗又食埋D一式一樣既頹廢餐。依家，唯有一邊食住焗豬，一邊wtp啊榮，問佢幾時有得收工，順便解下悶。
我自己本身亦都係一個OL，知道加班哩D野，有時真係控制唔黎ge，老闆叫落，誓死追隨。嗱，你想早D可以收工訓覺，定係冇左份工，有時，真係冇得簡，我地兩個人已經二十幾歲，典型既九十後同居情侶關係。都算係有間劏房住吓咁，公屋排左二年左右，都仲未上到樓，連兩個人既感情關係都只係靠表情符號黎keep住，我㩒得最多既表情符號亦都係心心，kisskiss，但係佢真實既表情，我就從來都唔知道。
我同啊榮既番工時間每日都係朝九晚十，朝夕相對的時間幾乎唔會有咁滯，每次放工cal佢，唔係我OT就係啊榮OT。我既啊爸同啊媽都洗日叫我同啊榮唔好成日淨係掛住搵錢，我諗佢地係太過想抱孫，所以一直都冇理過佢地。但係如果唔搏命趁輕生搵多D錢，又點樣養得到佢地，我同啊榮只不過係唔想將來養唔起佢地姐。
「唔洗等我la，大把野未做，你訓先！」
啊榮send左條message俾我，我回左一個沮喪既表情符號就匆匆忙撘小巴番屋企。原本今日諗住可以兩人獨光晚餐，食豪佢，睇黎都係冇可能，我地兩個自從搬左出黎住之後，基本連相對既時間都少之有少，有時，我會好懷疑，我地到底係咪住埋一齊。
連續幾個月都係咁不停工作，依家我剩係希望，番到屋企有覺可以訓，有個安身之所，其他野我已經別無所求，可能哩D就係明知已經冇可能改變社會現狀，再力求改變，亦都只會係徒勞無功。
至於我地既買樓計劃，我諗好似我地咁輕生就搬出黎住既情侶，講下就好la，香港買樓實在太難了，何況係上樓。