《男女之間有冇存在純友誼》

邊個話一男一女企埋一齊就係代表佢地拍拖，邊個話男女之間就唔可以有純友誼？呢個問題相信大家都好想知道，係咪一男一女一齊就一定要拍拖，唔可以係朋友同朋友之間嘅感情？

大家都知道係有愛情之前唔多唔少都係因為友情洐生出黎，冇友情又點會有愛情，咁我永遠同佢都停留係友達以下既關係咪得lo，反正我對佢只係朋友，但係除非你對異性冇興趣，否則唔多唔少係友情入面都會夾雜咗一D愛係入面，例如，親情都係因為有愛，所以先會出現。

純友誼都會有愛係入面，就算你地雙方稱兄道弟，講明對對方只係朋友都好，總會有一D愛係入面，而朋友之間所謂既純友誼只係因為大家為免對方誤會，證明雙方均對對方未興趣，又或者對方係有女朋友，所以以純友誼稱呼，所以亦都好多愛情係因為對方同女朋友分左手，對方可以好輕易咁，乘虛而入同佢發展戀人關係，所以如果你有鐘意既對象，不妨可以同佢發展吓純友誼，慢慢地你同佢既感情就會變成愛情。
最後我認為男同女之間好多關係都係因為純友誼出現，例如曖昧既關係，姊弟戀，地下情，係好複雜既，如果你真係對對方冇興趣，只係朋友關係，我勸你最好唔好同佢太親近，或者成日俾錯覺俾對方去誤會，可以既話要講明自己既對象同對方並唔似，如果唔係隨時連朋友都冇得做。