香川福星復任正選 日本求破宿命晉級
7月3日（二） 02：00 比利時VS日本 now99/618/619/NHK總合台直播
日本隊雖然喺一片責難聲中取得16強席位，不過總算叫超出大家預期，保持一屆小組賽出局然後一屆入到16強嘅紀錄。日本隊將會喺聽朝凌晨挑戰今屆攻力最強嘅比利時，按實力嚟計日本確實幾難擊敗強敵，突破到8強呢個目標，不過波未踢過就唔知，如果一個月前同大家講日本入到16強，大家咪又係唔相信。
所以日本隊球員近日備戰都相當輕鬆，仲經常出現笑容，已經完全忘記上場輸波兼畀外界批評嘅衰嘢。上場休息唔使踢嘅香川真司仲話對波蘭果場波輪換咗6個正選陣容，令大家有足夠休息去踢淘汰賽，亦相信日本係有機會再創奇蹟。預計日本今場波會回復返頭2場波正選陣容，日本對歐洲球隊近年都冇乜運行，雖然自2010年世界盃後21場波都贏到8場，叫做唔太失禮，但係近6場喺世界盃賽事對歐洲球隊只有2010年贏丹麥一戰先有波入，而且自從舊年輸畀波斯尼亞黑塞哥維拿開始，連續5場對歐洲球隊全敗。不過香川真司喺對歐洲球隊果時又做到日本福將，香川冇踢正選的話，日本喺近21場對歐洲球隊只贏到1場，相反做正選就有7勝4負，勝出率達63.6%。
至於對手比利時今屆3戰全勝兼入9球，係32強中分組賽攻力最強球隊。而且自2016年9月不敵西班牙後，近22場比賽錄得17勝5和不敗佳績。不過另一方面比利時喺世界盃淘汰賽成績麻麻，以往踢過11場淘汰賽全部有失波，成績亦只有2勝1和8負，近9場有5次要加時。加上史上5次對日本成績係1勝2和2負，只係舊年熱身賽先由盧卡古一箭定江山先首次贏到日本。而雙方喺世界盃唯一交手係2002年分組賽，當時雙方以2：2打和。再者比利時分組賽咁強勢，好大程度係因為同組對手實在太弱，對英格蘭果場對手又刻意留力爭次名，果場波參考價值唔大。所以如果日本踢返頭兩場嘅水準，要逼和比利時甚至贏埋都唔係冇可能。
日本隊預計陣容（4-2-3-1）：1.川島永嗣（GK）；19.酒井宏樹（RB）、22.吉田麻也（CB）、3.昌子源（CB）、5.長友佑都（LB）；17.長谷部誠（DM）、7.柴崎岳（DM）；8.原口元氣（RM）、10.香川真司（AM）、14.乾貴士（LM）；15.大迫勇也（FW）後備：12.東口順昭（GK）、23.中村航輔（GK）；2.植田直通（DF）、4.本田圭佑（MF）、6.遠藤航（DF）、9.岡崎慎司（FW）、11.宇佐美貴史（MF）、13.武藤加紀（FW）、16.山口螢（MF）、18.大島僚太（MF）、20.槙野智章（DF）、21.酒井高德（DF）
#日本代表 #W杯 #SAMURAIBLUE #2018FIFAワールドカップ
圖片：スポニチ
資料來源：J League情報站
https://www.facebook.com/jleagueinfo/
日本隊雖然喺一片責難聲中取得16強席位，不過總算叫超出大家預期，保持一屆小組賽出局然後一屆入到16強嘅紀錄。日本隊將會喺聽朝凌晨挑戰今屆攻力最強嘅比利時，按實力嚟計日本確實幾難擊敗強敵，突破到8強呢個目標，不過波未踢過就唔知，如果一個月前同大家講日本入到16強，大家咪又係唔相信。
所以日本隊球員近日備戰都相當輕鬆，仲經常出現笑容，已經完全忘記上場輸波兼畀外界批評嘅衰嘢。上場休息唔使踢嘅香川真司仲話對波蘭果場波輪換咗6個正選陣容，令大家有足夠休息去踢淘汰賽，亦相信日本係有機會再創奇蹟。預計日本今場波會回復返頭2場波正選陣容，日本對歐洲球隊近年都冇乜運行，雖然自2010年世界盃後21場波都贏到8場，叫做唔太失禮，但係近6場喺世界盃賽事對歐洲球隊只有2010年贏丹麥一戰先有波入，而且自從舊年輸畀波斯尼亞黑塞哥維拿開始，連續5場對歐洲球隊全敗。不過香川真司喺對歐洲球隊果時又做到日本福將，香川冇踢正選的話，日本喺近21場對歐洲球隊只贏到1場，相反做正選就有7勝4負，勝出率達63.6%。
至於對手比利時今屆3戰全勝兼入9球，係32強中分組賽攻力最強球隊。而且自2016年9月不敵西班牙後，近22場比賽錄得17勝5和不敗佳績。不過另一方面比利時喺世界盃淘汰賽成績麻麻，以往踢過11場淘汰賽全部有失波，成績亦只有2勝1和8負，近9場有5次要加時。加上史上5次對日本成績係1勝2和2負，只係舊年熱身賽先由盧卡古一箭定江山先首次贏到日本。而雙方喺世界盃唯一交手係2002年分組賽，當時雙方以2：2打和。再者比利時分組賽咁強勢，好大程度係因為同組對手實在太弱，對英格蘭果場對手又刻意留力爭次名，果場波參考價值唔大。所以如果日本踢返頭兩場嘅水準，要逼和比利時甚至贏埋都唔係冇可能。
日本隊預計陣容（4-2-3-1）：1.川島永嗣（GK）；19.酒井宏樹（RB）、22.吉田麻也（CB）、3.昌子源（CB）、5.長友佑都（LB）；17.長谷部誠（DM）、7.柴崎岳（DM）；8.原口元氣（RM）、10.香川真司（AM）、14.乾貴士（LM）；15.大迫勇也（FW）後備：12.東口順昭（GK）、23.中村航輔（GK）；2.植田直通（DF）、4.本田圭佑（MF）、6.遠藤航（DF）、9.岡崎慎司（FW）、11.宇佐美貴史（MF）、13.武藤加紀（FW）、16.山口螢（MF）、18.大島僚太（MF）、20.槙野智章（DF）、21.酒井高德（DF）
#日本代表 #W杯 #SAMURAIBLUE #2018FIFAワールドカップ
圖片：スポニチ
資料來源：J League情報站
https://www.facebook.com/jleagueinfo/