[15分鐘高清精華][賽後] 日本3-1反勝哥斯達黎加 遠藤香川柿谷各入一球
引用賽後，沙哲朗尼話：「呢幾場波我主要都係為球員準備好狀態應付世界杯，所以我盡量都俾時間佢地上場，今場我地踢得好過上場對塞浦路斯，可以話帶進步。」另外，「上半場我地因失誤先失一球，我認為係球隊仍然未到狀態。不過，之後我地慢慢拎返個狀態，算係踢得唔錯。我認為心理質素好重要，今場我地係呢方面做得好好，好高興贏到呢場波。」
引用射入追和一球既遠藤話：「先係轉邊，之後我上去，叫內田漏俾我，成個進攻好順暢。下半場我地多左攻勢，比起上一場，今場我地進攻方面夾得好左，跑動多左，對手無咁易拍甩我地，自然進攻機會都多左。」似乎幾滿意今場個進攻節奏。
引用全部3球入球都有份參與既香川就話：「雖然上半場我地防守得唔太好，上半場完之前我地都想入返一球，好高興下半場能夠反勝，依家我地狀態幾好，希望可以保持到世界杯。」
引用助攻加入波既柿谷就話：「真司佢踢得好活躍，我自己都感染到。即使得15分鐘既出場時間，只要能夠把握好每個機會都十分足夠。」
引用今場大久保第一次踢右中場，佢就話好「不安」：「踢右邊要拉開踢，係側邊踢個感覺好唔同，實在係好不安，不過都有唔少收穫。」
轉會AC米蘭後，本田既狀態一直都麻麻，最近兩場國家代表隊都有啲不在狀態，雖然今場交出助攻，不過同之前分組賽時期比較係差少少，希望世界杯開始之前搵得返個感覺啦。
全部圖片取材自 jfa.jp, J.LEAGUE PHOTOS