[世杯] [資料有錯 已修改] 分組賽最後一場 記者會要旨

• 比賽日期: 6月11日

• 開場時間: 22:25 (HK TIME)

• 場地: Al Arabi Stadium (多哈)

• 對手: 伊拉克

聽日, 世界杯亞洲區外圍賽B組第9節, 亦係最後一節
率先獲得入場劵既日本, 又會點樣對待呢一場波呢?
CREDIT: J.LEAGUE PHOTOS

一早到左多哈, 首先要挑戰既係熱辣辣既天氣,
天氣報告話聽日最低都有成30度, 最熱仲要有40度
日本既球員又適唔適應到呢?



隊長・長谷部誠因為黃牌已經足夠停賽,今場唔出得
隊長臂章應該會交由遠藤保仁戴上

6月10日記者會要旨
●沙哲朗尼監督
「我地已經出線, 呢場係外圍賽既最後一場。我地呢組得我地係決定左出線, 第2位既隊伍以下將會發生大混戰。 所以, 我地要正正經經咁踢一場, 同時之後我地仲有州際國家杯, 我地會借用呢場比賽做好準備。我地既對手伊拉克表現十分穩定, 隊伍有好高既能力。之前我地一路羸, 但之後奧曼隊擊敗左我地, 係因為我地無打出我地既最好。仲有, 聽日開波既時候天氣應該好熱, 上次對陣奧曼都試過, 我地會就住呢一點準備下。」

―本田圭佑狀態點樣?
「本田黎講呢, 佢之前因傷離開球場一排, 我地唔會停止提升佢既狀態。減少出場時間, 我地希望可以好好地幫佢作調整。」

―本田唔在陣既時候既作戰, 對陣保加利亞輸0-2有咩野帶比你?
「雖然好多人都話過, 但係我唔覺得本田唔係度既時候我地打得唔好。第3圈世界杯外圍賽又好, 最後一圈又好, 好多場本田都唔係度, 再加埋法國果場, 都係打得好好。雖然咁講, 本田都係我地十分重要既球員, 為左幫佢回復狀態我地做左好多訓練, 但係, 我地仲有好多好既球員在陣, 能夠頂替既球員仲有好多個」
―上年對冰島都用左遠藤做隊長, 有無咩期待?
「原句: 遠藤がここにいるのは、私にもっとも年齢が近いからです(笑)
(遠藤係隊中同我最近年齡既球員(笑)」

―關於聽日未能出場既球員:
「長谷部誠累積足夠黃牌所以出唔到場。我地睇下有幾位既球員既狀態, 決定聽日既陣容。」

―你提過要起用有需要提升狀態既球員, 香川呢?
「我覺得香川既狀態係上升緊, 歸隊(國家隊)之後, 我地好多時都有用佢, 因為我覺得香川係球會踢得唔多, 我要多啲用佢, 提升佢既狀態。攻擊中場既位置, 我地除左有香川真司, 仲有中村憲剛, 佢地兩個都可以擔任。」

―去巴西之前, 卡塔爾既天氣既影響係點?
「首先我講下呢幾日既訓練, 我地減低左球員既負擔, 當然係因為天氣實在太熱, 球員既狀態黎講我地係日本果陣經已開始緊提升工作。我地將會由多哈去巴西, 天氣唔會有大分別, 如果要講對球員有影響既, 主要都係長途飛機同埋短時間密集既行動。」
―聽日會唔會係一場過渡性球賽? 定係會出盡全力?
「首先, 日本雖然出左線, 但其他球隊仲有各自既機會。所以我地要認真咁踢呢場比賽, 我地保持基本去面對比賽, 提升番球員既狀態。」

―出任監督第4年, 球隊有咩進度?
「世界杯外圍賽, 之前有一個州際國家杯作為最後準備, 我地得番一年, 終於入直路啦, 跟住落黎一年, 我地只能夠保持球員係自己最好既狀態, 州際國家杯我地要搵到最後既主力。完左州際國家杯就係最後最後, 我地又返番原點, 面對全新既競爭。 當然, J-LEAGUE培育緊好好既新人, 係好好既競爭。」

―上次對伊拉克既入球, 大家都話係練習成果, 但係之後無乜球員再講呢番說話, 仲有無覺得練習之後有所得著呢?
「我地為左每場比賽都有好好準備, 但係每樣野都會有有效同埋無效既時候。我覺得球員唔講話"係練習成果"係好事, 如果唔係咁, 我地既秘密訓練就變得無意義。 當然, 呢個時代我地有分析對手既儀器, 我地要從中發展出新既野, 咁先至準備到對手準備唔到既戰術。」

●遠藤保仁(G大阪)
「早晨, 大家好。 雖然我地出左線, 但係我覺得我地唔會當呢場比賽係過渡性, 反而我地士氣好好, 希望以勝利完成今次分組賽。」
―可以戴上隊長臂章有咩抱負?
「戴上隊長我覺得唔單只係好偉大既事, 無論能唔能夠出場, 我地每一位球員都係隊長, 如果我地有咁既意識係好事黎。」

―依家日本國家隊既防中十分重要, 角色分配方面有咩考慮?
「一定要做到最好, 攻守之間都係極重要既角色, 我希望每場都可以帶比大家最好既自己。」