冬至外賣

今年冬至外賣幾道菜回家，早利亞掛住海南雞一定諗起 HOPA house，起骨雞肉嫰滑，一隻 $220，份量十足。

再到馬鞍山買蛇羹，天氣寒冷，加埋糯米飯最適合不過。早利亞食咗蛇王海好多年，質素穩定，蛇肉跟配料都豐富，濃稠度剛好，糯米飯採用本地生曬臘腸潤腸，口感軟糯，美味又食得放心。

滿載而歸之際路過老馮餅家見一條小人龍，店子標榜只用日本麵粉，但價錢貼地，多款唐餅$5-$6 外還有鬆餅、蛋撻、杏仁條、蝴蝶酥等，還好排了十數分鐘便買到鬆餅$6、蛋黃酥$6 及雞批$10，加杯Earl grey 做下午茶一流。