街坊老友粉

早利亞又來介紹小店，間唔中就會掛住這家阿桂老友粉，位於馬鞍山多年，主打廣西南寧粉麵小食，馳名老友粉及自製脆腩。老友粉，自製酸菜、蒜頭、豆豉加上番茄及豬肉片，辣鹹鮮酸，令人非常開胃，亦可以走辣，早利亞喜歡它不霸道，不油膩，多蔬菜，每次落order 即煮，食悶咗雲南米線可以一試。

原本配河粉滑滑的，但今天轉口味想食蓮藕粉，呈透明狀，放湯很爽滑。想知店子用的蓮藕粉係乜，其實同蓮藕無關係㗎，上 facebook 見店主介紹：－
「蓮藕粉是廣西嘅特產，主要成份係由一種叫旱藕嘅植物嘅根部所製成嘅！所以都有人叫佢「旱藕粉」留意！旱藕並唔係蓮藕嚟架，同蓮藕一啲關係都無架！！！！佢喺一種類似蕉葉嘅植物黎嘅，蓮藕粉嘅特色係煮得耐都唔會變麵糊、質地细腻、口感極佳、味道獨特、易消化、仲可以排泄人體多餘脂肪添呀! (咁咪即係食多啲都唔怕肥?!) 蓮藕粉無論係凉拌，煮湯，炒、焗、炆、燉都可以成為美食，係廣西家家戶戶必備食物。」