東涌食韓式烤雞

跟朋友係東涌東薈城搵食，見 Goodne Chicken 午市套餐特價 $128 包半隻烤雞連沙律及湯，便拉朋友一人叫一款味道試試。

十款口味中，早利亞愛原味，友人則點黃金脆烤雞，飲品可選冷的罐裝汽水、熱的蕎麥茶、玉竹茶或紫玉米茶。

先來凱撒沙律、魚片湯及飲品。坐正窗口位望住纜車邊吃邊等，好一會兒先來主角，賣相吸引，早利亞的帶骨原味烤雞似西式焗雞多一點，香而juicy，反之友人的黃金脆烤雞的確脆口，唔覺油膩，無骨食得更舒服，配白飯或脆薯條也好食。
自從數年前到韓國飲啤酒食炸雞後，真的對韓式炸雞改觀，經常推介朋友，外脆內嫩，充滿肉汁，店子就是做到，離開時見到2位少女點了一盤UFO 芝士火鍋包4款無骨炸雞，吃得多滋味，下次可以試試。