屋企煮飯仔之梅菜扣肉

買咗五花腩豬肉，諗起梅菜好送飯，咁就做梅菜扣肉，不過係屋企嘅簡易版，煮多些可以食幾餐，越食越好味啊～

做法：
～凍水加薑片落豬腩肉汆水略煮約30分鐘
～趁熱於豬皮塗上老抽上色
～用叉或神器刺皮多下
～放涼吹乾腩肉
～燒熱油鑊，先皮向下煎香（屋企做早利亞會避免走油）
～再煎香兩側
～梅菜浸水及清洗，切粒備用
～白鑊炒香梅菜，去掉水份後落少許油及蒜蓉炒香
～加老抽炒香後加水，加蠔油及冰糖調味
～炆煮十多分鐘後盛起備用

～腩肉切件，倒轉放碗底，砌好
～梅菜放面
～大火蒸煮約半小時後轉中火蒸約1小時
～用碟蓋上碗，倒出汁液後，倒扣上碟
～淋回醬汁即成