屋企煮飯仔之蒜芯百合炒第一刀

大蒜長至開花就會變成較硬身的花莖，即是蒜芯
蒜芯枯萎後，留下結實堅硬結成球體就是蒜頭
每段時間都可以做出美味菜式
今日就用蒜芯做一個小炒
蒜芯鮮百合炒第一刀
又有蒜香又清爽

做法：
～蒜芯清洗切段備用
～百合清洗摘成一瓣瓣備用
～少許紅蘿蔔絲～豬肉第一刀爽身，亦可用梅頭半肥瘦，切片，豉油、糖、粟粉稍醃
～準備調味醬料：生抽、蠔油、糖、水適量
～油鑊爆香薑片，下豬肉片，炒勻灒酒
～落蒜芯及紅蘿蔔絲，落調味醬料後加蓋2分鐘
～最後落百合，輕炒幾下就可以熄火上碟
～可隨喜好加雲耳或黑木耳，爽口又有益