雞吧 GG Chicken Bro

睇得韓劇多，想食炸雞，聽聞石門有家小店，今日就去外賣支持下。半半炸雞可以揀兩款味道，揀咗原味及蜂蜜牛油 $108 ，另外散叫咗2個卡巴，羊肉卡巴$66 大蝦牛油果卡巴$68。炸雞即叫即炸，但或許回程都要d時間，開盒時就唔係好熱，當然脆度也差少少，不過味道唔錯，雞肉嫩滑有肉汁。卡巴尤其要讚，皮薄沙律菜足，羊肉味道香而唔騷，醬汁又夾，另一款大蝦牛油果卡巴有多隻大蝦，爽身彈牙，好味。另有套餐提供，喜歡多款小食嘅朋友可以參考。