老友粉改酸筍

早利亞又來介紹小店，間唔中就會掛住這家阿桂老友粉，位於馬鞍山多年，主打廣西南寧粉麵小食，馳名老友粉及自製脆腩。
早前見網上介紹店子直接從廣西運嚟嘅酸筍，早利亞曾經廣州買過酸筍，用嚟炆煮鵝或腩肉非常惹味，之後係港九各地都搵唔到那款酸筍蹤影，今次到來食老友粉第一時間就係自製酸菜轉酸筍，味道跟從前一樣，而且更加嫩，非常好食，不過先旨聲明，不喜歡這醃菜味道可能會討厭㗎，同食榴槤差不多，真係試過先知。

原味老友粉配料係自製酸菜、蒜頭、豆豉加上番茄及豬肉片，辣鹹鮮酸，令人非常開胃，亦可以走辣，早利亞鍾意佢不霸道，不油膩，多蔬菜，每次落order 即煮，今次仲改食通心米線，米線中空可吸更多湯汁，只是不能留在湯內太久，比較易變淋身，食悶咗雲南米線可以一試。