千樂燒味餐室

早前老人家忽然想食乳豬，又去外賣平台搵，見到這家有不少好評就試試。哥哥送到時雖然溫度稍降但乳豬皮算脆，外賣算合格，現場食應該更好，肉質鬆軟，味道唔錯，唔會過鹹，配埋乳豬醬啱啱好。跟住就正式開飯，前菜千味醬黑木耳微辣惹味好醒胃，千味手撕雞醬汁另上，自己可以決定撈幾多，原本驚太重味，點知撈下撈下全部用晒都唔會太鹹，最後為咗試埋佢哋嘅主打燒鵝，叫咗個燒鵝雙拼飯套餐，有埋例湯，嚟到嘅部位好靚，鵝肉香叉燒更加係驚喜，肥瘦雙間，腍滑入味，店子話唔會加色素，火力控制適中先燒到呢個色澤，睇嚟佢哋嘅燒味功力都唔錯，價錢也算平民，當然通過平台外賣就貴過自己去買，自己衡量啦，推介。
乳豬例牌 $193
千味醬黑木耳 $35
千味手撕雞半隻 $124
燒鵝雙拼飯套餐，包是日例湯 $72
滿$300 9折