屋企煮飯仔之客家鹹酸菜炆鴨

這味餸最好當然要隔夜先食，準備工夫亦比較多，不過親朋戚友食得開心就是最好回報。

做法：
～鹹酸菜浸水，換水兩、三次後切細片
～白鑊烙乾鹹酸菜，這樣才會香及夠味，不會水汪汪
～當鹹酸菜水氣走得八八九九，可以盛起備用
～鴨件清洗乾淨瀝乾備用
～白鑊烙乾鴨件，起鑊備用
～燒紅鑊，落油先爆薑片蒜粒，落豆豉爆香～炒香鹹酸菜，落鴨件煎香後放酸梅

～加水份，加粒冰糖後蓋上鑊蓋炆煮30－40分鐘
～喜歡辣的朋友可以加些辣椒更惹味
～再炆煮10分鐘左右至鴨肉腍身便可

隔夜食更滋味，單單這味餸，已可送3碗飯了。