豪隍生點心

街坊介紹這家位於觀塘的點心小店，無時間堂食都可以外賣凍點心，咁星期日就可以蒸點心做早餐啦～

見到有個點心拼盤，2隻蝦餃、2隻潮州粉果、叉燒包奶皇包各一，幾好噃，再加山竹牛肉、雞扎及腐皮卷。質素真係唔錯，蝦餃尤其大隻，蝦肉彈牙，如果有埋筍尖就更加正呀。雞扎及腐皮卷都好足料，牛肉大大粒仲附有喼汁，腐皮卷都有湯汁另上，蒸熱時先加落去，真係細心。店子溫馨提示，因為無防腐劑，如果唔係當日食就要放冰格保存。

以呢個價錢，性價比高，值得再幫襯，當然，堂食一定更好，有埋炸點及蒸飯，如果中午時間可能要預早少少排隊。