牛屋餐廳

牛屋位於佐敦嘅舊式港式扒房，門外多數都有人排隊，不過流量都算快，今午我哋三人等2張枱都係約十數分鐘。入座店員就問要紅湯定白湯，表示之後再叫主菜，跟住就上埋搽咗牛油烘熱嘅餐包，無論忌廉或羅宋湯都係傳統味道，即爸爸媽媽帶早利亞去食西餐，保留咗幾十年前嘅味道，好懷念。午餐有蒜蓉雞扒 $45、鮮茄龍利柳 $45、燒烤汁豬扒 $53等，早利亞就叫咗比較貴嘅紐西蘭肉眼 $98 及法式燒羊架 $108。6成肉眼及7成熟度同質感都對板，5成羊架就熟咗少少，整體肉眼扒抵食又好味些。

店員做嘢快靚正，就算 lunch time 時間唔多都可以食個全餐唔駛苦苦等上菜，雖然坐位比較窄，但店員收嘢好快手，飲完湯即收，比位置放主菜，好快手。而食物以呢個價位CP值高，價錢親民，早利亞覺得比連鎖快餐店質素優勝。