一喜車仔麵

想食呢間土瓜灣車仔麵因為店子有供應潮汕特色小食如小米粿、牛筋丸等。想一次過試晒可以選紫菜四寶 $39淨餸，可選擇加粉麵$10，湯底則以豬骨湯及雞湯熬成，上菜前加入一片紫菜。

汕尾小米粿係海豐縣有名嘅小食，地道名叫「茨粉餃」，同番薯粉作皮，五花肉及馬鮫等配料作餡料，自家新鮮製作，細細粒，咬落煙煙靱靱幾好食。

瀨尿牛筋丸彈牙，咬開要小心爆汁，早利亞就中招。

汕尾馬鮫豬肉丸就有咬口有魚味。
最後就係有魷魚的魷魚丸，真係食到魷魚粒好特別，口感豐富，坊間少有。

想再加調味，店子提供潮州辣椒醬及自己炒嘅菜脯，聽聞其他車仔麵醬料也盡量自家製，好有誠意。

今次嚟主要食四寶，見有自家包韭菜餃、咖哩三寶、生炸單骨雞翼及好耐冇食嘅酸齋，下次嚟食車仔麵可以試埋啦～

一喜車仔麵

如果喜歡我們的文章，請即分享到︰