譽麵坊

今次早利亞係專程嚟食土瓜灣老店嘅名物南乳炸雞，土瓜灣朋友一定食過，甚至經常光顧，中午時段門外都會有人排隊等位，食物款式簡單，翻枱都快，等一陣入座後見外賣單不絕，好好生意喔。

一般人配米線，早利亞見可以配撈麵就食撈粗。等咗一陣，雞球即炸好新鮮脆身，尤其雞皮好好食，但一點也不油膩，雞肉依然嫩滑及有肉汁，附加的南乳汁不是南乳豬手咁紅色，而係深啡色比較濃稠，雞肉蘸點南乳汁更惹味。價錢好親民，份量不少，$42 有5大件雞，真係太件夾抵食，加埋麵食得滿足。