星味坊

特別兜路過嚟星味坊買布甸蛋撻，可惜已售罄，另一名物拿破崙配上吉士醬及鮮果，未能立刻食就浪費，咁就轉買麵包，碰巧今天千層丹麥吐司特價 $41，早前天后AOZORA bakery 要排隊都買唔到，後來太受歡迎對店子做成負荷，為做好其他麵包而停售，今日見到目測唔錯就試試佢。的確可以一層層撕開嚟食，而且好有牛油香，星味坊標榜用Anchor牛油，回家後入爐數分鐘後回復外脆內軟，雖然香但會有油膩感覺，唔食得太多片。