撞見好開心，又有靚靚格仔餅食

經常到銅鑼灣搵食，多年前一直幫襯維多利亞公園對面，位於摩頓臺嘅煥林粉麵食店嘅雞蛋仔及沙茶醬魚蛋，喺下午茶好選擇，年前結業後總是感到有點失落。今次到土瓜灣午餐後搵小食，偶然發覺小店老闆好熟面口，原來就係煥林老闆正在做雞蛋仔，2006年開業，2022年搬到土瓜灣，相認後有講有笑，仲一齊合照，唔好意思當天有點阻住後面排隊嘅客人。格仔餅依然即叫即做熱辣辣，外脆內軟好好味，佢哋唔落砂糖非常健康，啱晒早利亞胃口，仲多咗一點點人情味，下次嚟再食雞蛋仔同魚蛋，仲有好多款湯麵選擇。講返後面位街坊就叫咗湯麵同榴槤炸彈，店主話即叫即炸，要等好幾分鐘喎，咁有誠意，梗係等啦，聽到早利亞都想食呢～