雅緻餐廳@土瓜灣

前排有傳土瓜灣平民扒房哥登堡結業，周末經常都有人龍，自從出咗通告話做到 3月尾，就無咁多人啦，其實早利亞覺得質素一般般。想靜靜地食餐不錯嘅西式午餐可行多2步轉彎到 Marina 餐廳，午市提供多款套餐，主菜+咖啡／茶，還可加錢轉其他飲品，亦可加配餐湯、沙律、芝士蛋糕等。今次就叫咗 3 個 set lunch，黑松露雜菌意粉 $78 ，意粉煮到剛好煙靭彈牙 Al Dente，非常掛汁。蒜片紅蝦扁意粉 $88 店員送上時已聞到好香蝦味，佢哋嘅意粉又係做得好好，所以最後嘅主菜我哋都係揀咗配意粉，蜜糖香烤雞扒配意粉 $88，雞扒大大件烤得非常香，切開裡面嫩滑有肉汁，正。飲品用半價轉咗 latte 鮮奶咖啡$18 及熱朱古力$16，都係有水準的。