機場翡翠拉麵小籠包

到機場送機，辦理登機手續後想食少少嘢兼坐低傾下偈，朋友想再食多次小籠包，咁就到接機大堂吧。翡翠拉麵小籠包大家都唔會陌生，但一般喺機場分店價錢上及質素上都同市區店有分別，沒有期望下叫咗小籠包、鍋貼及雪菜蝦仁炒飯。小籠包先到，質素keep到喎，價錢亦只係貴幾蚊，炒飯亦做到粒粒分明又唔油膩，味道亦恰到好處，食完無口渴。鍋貼遲遲未到，仲以為漏單，店員表示師傅即煎會耐d，望一望真係有師傅喺度做緊，店員送上嚟時仲熱辣辣，咬開有肉汁，唔錯，而且座位寬躺，又無話食完趕你走，店員仲幫我哋收嘢同添茶，結果傾多半小時先走，友人唔駛喺閘內再搵嘢食啦～