小確幸咖啡館

前兩日到沙田第一城搵食，落雨就不如留商場消費，行過幾間連鎖店無乜興趣，見到呢家 Cafe 幾chill，日常 Menu 有All day breakfast 或扒餐意粉餐外還有廚師精選，見白酒蜆肉意粉連飲品 $58 就試試，落單後搵個窗口位，自助取餐具後等食，若有需要同場有多款調味品同清水供應，先來熱菜蜜潤下，跟住就係即煮嘅意粉到，意粉爽口，有白酒香，好多雜菌，蜆肉跌晒喺底，記住要撈勻嚟食呀～

整體食得舒服，隔離OL 靚女焗飯及男士嘅扒餐似乎都唔錯，廚師精選仲有西班牙雜錦海鮮飯 $78 好吸引，唔收加一，有興趣下次試試～