馬鞍山 SUKIYA すき家牛肉飯

期待已久嘅SUKIYA すき家 7月18日終於開幕啦，位於以往 Beans 嘅位置，預計會有好多街坊湊熱鬧，諗住過咗熱潮先去食，點知平日午市依然要排隊入座，咁就外賣吧～

Sukiya 主打牛肉丼，選用日本產100% 越光米，以和風醬汁烹煮薄切肥牛蓋飯，最基本$29，另提供變奏版可加多種配菜如香蔥溫泉蛋、泡菜、芝士、高菜明太子沙律醬等，而早利亞就睇中以燒肉醬汁燒烤厚切肥牛嘅燒肉丼$39，一樣提供其他變奏版，而且可以加錢轉做優惠套餐包前菜及飲品。

雖然好多人，但店員好快手，外賣等十分鐘左右已準備好，如有需要仲可以喺counter 加醬料或紅薑絲，打開見好多件牛肉，入口好滋味，比吉野家優勝好多，下次識揀啦～