粉嶺山東餃子

近期嚟咗幾次粉嶺都係話要食餃子，結果又喺途中被吸引咗去第二間舖頭試新嘢，今晚下定決心直接行過嚟，一於要食這家屹立十多年嘅山東餃子店。呢度餃子餡料有好多款式，傳統的白菜鮮肉、韭菜鮮肉、芹菜鮮肉、冬菇鮮肉、香茜雞肉等，而新式嘅又有麻辣青椒、番茄鮮肉或粟米鮮肉等。最吸引早利亞梗係京蔥羊肉，本來想要水煮羊肉餃，香煎韭菜餃，點菜時店員推薦煎羊肉餃好食喎，咁好啦，就轉轉佢，另外再嚟一碗招牌山東餃。即叫即煮要等一會兒，先調配蒜蓉鎮江醋。煎羊肉餃先到，果然非常香口惹味，招牌山東餃其實係廚師隨意挑選不同味道餃子，隻隻有驚喜，冬菇好香，番茄有鮮味又多汁，韭菜正常香，芹菜就稍為唔夠濃味了，淨食餃子好滿足，唔夠飽嘅朋友仔可以加上海麵、米粉、薯粉、刀削麵等。