(｡･ω･)ﾉ 我們在彌敦左岸聽 Live Band ♥

星期五晚，都忙左一個星期，自然想約朋友玩夜少少，這天晚上去了一間酒吧食飯加聽歌，都幾唔錯！位於赫德道的彌敦左岸，門外裝修甚具玩味，白底黑字的發光招牌，遠遠也看到呢！

一入門口就見到大型投射電視，在播放足球賽事，我們被安排到樓上去！

行過樓梯，就見到Bar 枱的位置，仲有放滿樂器的舞台位，裝修都叫幾華麗，最令我驚喜的是，煙味不濃，我這等氣管不好的朋友，總是受不住煙味.....

服務員先送上清水，有氣無氣任君選擇！朋友仲點左一瓶紅酒分享，價錢都幾相宜。

先來一客三文魚凱薩沙律爽口的羅馬生菜配上微酸的沙律汁，開胃又清新，上面舖滿芝士片都是大手大手，沒半點小家子氣！

之後就是足料的龍蝦湯，澄黃的濃湯入面有彈牙的龍蝦肉，上枱時的温度剛好，不熱也不冷，令人感覺好窩心！
黑松露雜菌Pizza係薄底的比薩，入口脆脆有點像餅乾，餅身挺身，面層芝士可以拉到絲，但絕不油膩，成個可以棄刀就咁拎住食！

帶子煙肉蘆筍蒜片鮑汁扁意粉意粉比想像中淋左少少，不過我鐘意佢清清地，唔會太heavy, 入面仲加左不少蔬菜，感覺平衡啲！而且帶子夠鮮味，令人回味無窮！

香烤芝士甜辣汁西班牙豬肋骨
呢個真係邪惡到爆炸！平時食Ribs 都會配燒烤醬，但呢個係配甜酸醬，食落開胃無咁漏之餘，面層的芝士帶濃香，一份都有成十支骨，感覺都幾抵食
火喉控制得不錯，富有肉汁之餘又唔會好難切，旁邊的薯條都炸得好靚仔，食落有薯香質感粉糯，而且唔會滴晒油！

食到呢度，唱唱下歌的Liveband 忽然停了，全場亦黑了三秒！心想是停電嗎！？
原來是隔離枱有壽星女，全場的工作人員再加Live Band 一齊唱生日歌，職員捧出大蛋糕，全場都感染到生日的氣氛呀！

喺度祝這位壽星女生日快樂！身體健康！
人均消費200-300， 個場咁舒服又無煙味，整體唔算太貴啦！


彌敦左岸 Nathan Left
尖沙咀赫德道5-9號德裕中心B1層
For Collaboration and Invitation,
Please send to : [email protected]
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare