❆ 串串串 ♥ 大滿足 ♥ 滿串自家醃制串燒店 ❆

終於的起心肝，同Mr.K去朋友推介的抵食串燒店，一去到Mr K就話同D 朋友都去過，好抵食，既然佢去過，今晚就由佢發板啦！呢度係自己落單，即叫即燒，燒完侍應會夾俾你，木墊上面細心地加張吸油紙，可以進一步吸走燒物上面多餘的油份，之但係，整體食物本來都唔算太油膩。

先黎食肉食的，其中幾件係朋友推介，我地都覺得幾好食，包括：
岩鹽極品一口牛生熟度剛好，口感軟林林的，肉質嫩滑牛味重 的 。
串燒必備的肥牛金菇卷，肥牛的肉汁落晒金菇度，加埋孜然粉好惹味。汁燒雞翼燒到外脆內嫩，我最鐘意食。
一層肥肉夾一層瘦肉的千層肉汁燒，加左少少酸汁，平衡返肥膏的油膩感，好邪惡。

至於自家墨魚棒棒，我覺得一般，蝦味唔太重，唯獨質地夠爽彈

試左幾款出面比較少見的食材，玉子燒主要係靠醬汁帶出蛋香味，厚身玉子令人食得滿足，至於帶子就一般啦，沒有其他的出色～
另外仲揀左海鮮類的，時令燒黃金大蜆，係我地那晚最貴的一個項目，都係朋友推介，首先大蜆好新鮮又大隻，差不多手掌的一半，調味後都仲食到海鮮天然的鮮味，好正！

最後就係食蔬菜類，Mr K話食串燒要先食肉，最後再食菜就比較易預食物。娃娃菜 配上孜然粉，顯得菜比較淡味，初時仲俾D粉嗆親，但食落菜的清甜出來了。
雞中翼蒙古燒 外脆內嫩，有點似土匪雞翼。

雞軟骨燒 個醬汁同平時食既雞軟骨有點不同，甜甜地咁
脆玉瓜 上面滿佈孜然粉，厚身一件，入面唔會燒到乾爭爭，口感不錯。
燒冬菇都係好多肉汁，不錯不錯。

最抵食係 燒茄子，目測原條茄子都有8吋以上，開邊后加上大量嘅蒜蓉同孜然味一齊燒，味道濃郁，但又有蔬菜的清甜，茄肉燒到綿綿的，都係30蚊，真心抵到喊，要留肚食！

甜品就係呢個叫菠板糖的燒菠蘿，有燒過的菠蘿的朋友都知道，味道更甜更香，加埋少少糖粒，串起佢，造型多了兩分可愛感，又能切合波板糖的音，有趣又特別！

食物選擇都幾多，價錢都唔算貴，蔬菜類都係12蚊起，肉類就20蚊起錶，海鮮就貴少少（有D 係市價），而且無最低消費，我地食左兩個鐘，見住愈夜愈旺場。

滿串自家醃制串燒店
佐敦白加士街127號地舖 （我去呢間）
深水埗桂林街46號地下B舖
旺角砵蘭街147-149號地下B3號舖

For Collaboration and Invitation,
Please send to : [email protected]
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare