❆港式Comfort food ♥ 千樂燒味餐室 ❆

灣仔都有幾間被旅遊書不停推介主打燒味的食肆，成日都人山人海人龍排到出門口，雖然大家都知道旅遊書推介得都是一般貨色（平常街坊是不會幫襯）這間新餐廳在敢在這區插旗顯然是對自家出品甚有信心，門口見到D燒味睇落好香脆好吸引！

另外吸引到我注意是這張黃色的易拉架，店家逢星期六都會派燒味飯盒100個給長者。

第一次嚟，店員推介我試試這裡的招牌樂脆燒鵝叉燒飯套餐。

叉燒揀左半肥瘦，每片厚薄適中有少少燶邊，未食已經聞到蜜汁香，口感唔柴得來好嫩。

燒鵝比較肥左少少，不過配埋鵝油食就剛剛好，個皮燒到好似玻璃片咁通透脆卜卜，油香入口即融 ，內裡肉質一d都唔會乾，好好食！原來佢地有自家嘅燒味爐，食得出係經驗呀！

拍青瓜係用自家調味的醬調味，好爽脆～～～

70多元的套餐會跟白飯，湯同埋一客拍青瓜，餐盤餐具有青花圖案，好精緻。就咁睇呢個價錢來講算是中上，不過真係好食又夠份量，呢個質素值得一試！

千樂燒味餐室
灣仔軒尼詩道352-354號昌業大廈地舖

For Collaboration and Invitation,
Please send to : [email protected]
FB Page: Kawai / Small Talk Corner Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare