[英格蘭超級足球聯賽2016/17 - 曼聯 VS 曼城]
剛剛過去既英超第三周, 最有睇頭既賽事都係熱剌對利物浦, 雖然賽果只係1:1, 但2隊都打得緊張刺激!!!!!!
https://www.youtube.com/watch?v=5KiiecIxtpE
黎到第四周, 真係好難唔講呢場曼市打比戰:
曼聯 VS 曼城:
開賽時間 ( 香港時間 ) - 9月10日晚上19時30分
2隊簡介:
曼聯: 今季由摩連奴接手後, 曼聯主要購入4名新兵, 呂布, 拜利, 美希達恩及普巴, 除左美希達恩之外, 其他3名球員已經能於摩連奴既紅魔體系內運作正常, 美希達恩則仍要D時間慢慢將佢既能力發揮出黎, 不過成季流流長, 大把時間啦! 而肥仔隊長朗尼既表現仍受批評, 但吹咩, 佢又交出助攻, 不過左翼既馬迪爾今季狀態真麻麻, 而剛踢完U21既華舒福則入3球, 或者可以取代一下馬迪爾既位置, 後防方面, 似乎摩奴太滿意依家個陣, 無傷病既話都會KEEP住開季個陣喇, 而爆炸頭都幫比利時踢完國際賽, 相信傷患不是問題了!
曼城: 今季哥帥入城後, 帶黎全新既曼城, 而得到球會既支持下, 又出又入, 啪啪聲咁款, 之但係, 哥帥既一套似乎暫時未可以發揮到一個點, 曼城於英超雖然3連勝, 但踢落未算非常有說服力 ( 相對巴塞同拜仁 ), 唔到賽事尾段都唔可以言勝或入致勝球! 當然人腳都唔同啦, 但係史達寧既番生同洛列圖能快速適應非常重要, 反而防守上其實有點不穩, 似乎哥帥要求全隊都用波, 後防某D球員及龍門都未必能習慣下而有D大意波出現, 巴禾黎到英超既第一場可能就係呢場氣氛如此緊張既大戰, 有點危........! 不過....呢場打比戰既最大問題似乎係阿古獸被足總追罰停賽下, 得個睇字了..................
K波預估戰況: 摩連奴同哥迪奧拿對決, 而且2隊對於呢場比賽都會小心應對, 先做好防守似乎係上佳策略下, 可能會踢得較保守, 特別係摩奴既皇馬曾經被哥帥既巴塞所玩殘下, 或者今場波2隊以1球定勝負既情況下, 如同以上對曼城分析, 似乎仍對英超未入局既哥帥加上缺少阿古獸既曼城, 要作客全取3分似乎有點難度, 所以我K波選擇摩連奴既曼聯能於主場以1比0小勝曼城!
K波預估賽果: 曼聯 1:0 曼城
K波
鐘意睇我K波講野, 都讚好我個FACEBOOK專頁, 謝謝支持!https://www.facebook.com/KBALLSTORY
https://www.youtube.com/watch?v=5KiiecIxtpE
黎到第四周, 真係好難唔講呢場曼市打比戰:
曼聯 VS 曼城:
開賽時間 ( 香港時間 ) - 9月10日晚上19時30分
2隊簡介:
曼聯: 今季由摩連奴接手後, 曼聯主要購入4名新兵, 呂布, 拜利, 美希達恩及普巴, 除左美希達恩之外, 其他3名球員已經能於摩連奴既紅魔體系內運作正常, 美希達恩則仍要D時間慢慢將佢既能力發揮出黎, 不過成季流流長, 大把時間啦! 而肥仔隊長朗尼既表現仍受批評, 但吹咩, 佢又交出助攻, 不過左翼既馬迪爾今季狀態真麻麻, 而剛踢完U21既華舒福則入3球, 或者可以取代一下馬迪爾既位置, 後防方面, 似乎摩奴太滿意依家個陣, 無傷病既話都會KEEP住開季個陣喇, 而爆炸頭都幫比利時踢完國際賽, 相信傷患不是問題了!
曼城: 今季哥帥入城後, 帶黎全新既曼城, 而得到球會既支持下, 又出又入, 啪啪聲咁款, 之但係, 哥帥既一套似乎暫時未可以發揮到一個點, 曼城於英超雖然3連勝, 但踢落未算非常有說服力 ( 相對巴塞同拜仁 ), 唔到賽事尾段都唔可以言勝或入致勝球! 當然人腳都唔同啦, 但係史達寧既番生同洛列圖能快速適應非常重要, 反而防守上其實有點不穩, 似乎哥帥要求全隊都用波, 後防某D球員及龍門都未必能習慣下而有D大意波出現, 巴禾黎到英超既第一場可能就係呢場氣氛如此緊張既大戰, 有點危........! 不過....呢場打比戰既最大問題似乎係阿古獸被足總追罰停賽下, 得個睇字了..................
K波預估戰況: 摩連奴同哥迪奧拿對決, 而且2隊對於呢場比賽都會小心應對, 先做好防守似乎係上佳策略下, 可能會踢得較保守, 特別係摩奴既皇馬曾經被哥帥既巴塞所玩殘下, 或者今場波2隊以1球定勝負既情況下, 如同以上對曼城分析, 似乎仍對英超未入局既哥帥加上缺少阿古獸既曼城, 要作客全取3分似乎有點難度, 所以我K波選擇摩連奴既曼聯能於主場以1比0小勝曼城!
K波預估賽果: 曼聯 1:0 曼城
K波
鐘意睇我K波講野, 都讚好我個FACEBOOK專頁, 謝謝支持!https://www.facebook.com/KBALLSTORY