[歐聯16強首回合 - 巴塞隆拿意想不到的0:4]

2月14日情人節的凌晨, 上演了歐聯16強首回合賽事, 其中一場由PSG主場迎戰巴塞隆拿的一仗, 賽前相信超過一半人認為巴塞即使贏唔到, 都可以不敗而回, 結果賽果令人大吃一驚, 4:0, 以為擁有MSN既巴塞輕取4球嗎? 唔好意思.....................

https://www.youtube.com/watch?v=mfqI8VGilVk
PSG VS 巴塞隆拿 - 4:0 ( 半場 2:0 )

入球: 迪馬利亞 ( 18', 55' ), 迪斯拿 ( 40' ), 卡雲尼 ( 72' )




賽前或者大部分人認為PSG今季無左伊巴, 攻擊力會下降, 而開季初段卡雲尼經常失機的表現令人擔心PSG的前途, 幸好卡雲尼及時表現回勇, 加上1月從德甲禾夫斯堡購入迪斯拿, 極速融入球隊後, PSG表現越踢越有, 但歐聯面對巴塞, 真的這麼輕易大勝嗎?


全場控球比率巴塞有58%, PSG有42%, 巴塞射門只有5次, 只得1次中框, 相反PSG全場有13次射門, 10次中框錄得4個入球! 要入巴塞波? 其實唔難, 因為巴塞既防守力自從佩奧爾退下來後, 只係每年在衰退, 全靠前場攻擊力遮蓋左防守力既下降! 可惜既係, 中場自從沙維離隊, 小白傷患頻頻後, 再無一個神級中場領導, 結果美斯亦不時要退後半格做策劃! 當然, PSG既進攻三角迪馬利亞, 卡雲尼同埋迪斯拿今仗既把握力成為關鍵, 相估曾經踢過皇家馬德里既迪馬利亞都估唔到原來數巴塞可以咁輕鬆!



不過, 要零封MSN, 更加令巴塞全場射門只有5次及中框只有1次, PSG後防可謂居功厥偉, 即使主力泰亞高斯華因傷缺陣, 今仗PSG既防線球員為門將查普, 後防文尼亞, 馬昆奴斯, 甘佩比及古沙華, 高度集中防守美斯, 令巴塞多次傳球斷纜, 直接令尼馬及蘇亞雷斯都搵唔到機會!

https://www.youtube.com/watch?v=mpyXEZ96FaU



巴塞次回合將會於主場魯營球場希望踢出奇蹟一戰, 勢估唔到一向要對手踢反底戰的巴塞, 今次終於一嘗此感覺, 可謂百般滋味在心頭! 幸好既係, 巴塞主場擁有唔錯既往績, 情況又未去到絕望既...........比絕望好一點啦!

K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY