[那些年, 我們一起玩過球場外的玩意]
我地呢D老波牛, 都曾經年輕過, 都曾經on9過, 都曾經玩過唔少球場外既小遊戲, 直到依家, 再次去到球場, 或者人大左, 童真失去了, 已經無勇氣再叫波友再玩過, 其實, 心入面, 仍然想再一次年輕, 再一次on9, 為既, 可能係尋找當時童年既回憶....................你又玩過幾多種?
鬥"的波" - 係人都知, 要有好既波底, 就要由基本功學起, 而"的波"其實係對個波有番一定感覺既磨練黎, 睇足球小將都知, 葵新伍練到用乜都"的"到, 向意大利出晒名! 當然, 有D人認為"的波"只係D小玩意, 但"的波" "的"得好, 踢起波黎都唔會差得去邊啦............細個咁認為, 而且, 街場跟隊, 用最多既時間唔係向場入面實戰, 而係向場邊等...........咁幾個波友向場邊等, 不如"的"下波, 大家都鬥"的波"最多, 當然除左手之外, 身體任何位置都可以用啦, 結果呢個遊戲就令我同一班波友既波底慢慢練上去, 最多果個波友, 可以"的波"二百幾下, 而且, 更有波友練到用兵兵波黎"的波"都可以"的"百幾下.........真係信不信由你!
https://www.youtube.com/watch?v=88AFJfmdMAk
馬嬲搶球 - 唔洗多介紹啦, 呢個遊戲相信大家都會玩, 不過規則就大家自己定, 我同班波友就喜歡玩圍圈及控球者最多觸球兩下, 而做馬嬲既, 只要全身部位接觸到個皮球就已經成功! 呢個遊戲, 無他既, 都係練下基本功同埋可以練臨場被對手迫搶時既反應, 而且其實仲練到隊友幫手迎波既能力添! - 除非想"造"某位波友.........
https://www.youtube.com/watch?v=RUJbAze21XA
射9碼 - 當去到球場, D波友又未到, 小貓得幾隻, 有個波, 玩乜好呢? 如果呢刻有個龍門到左, 咁緊係玩射9碼啦! 點玩? 9碼喎, 射死人咩, 即使肯守龍果個堅係門將黎! 呢D時候, 就會玩下, 只可以踏一步黎射9碼! 邊個射唔入, 緊係被人射龜啦!
中場射門柱或門楣 - 情況同射9碼既一樣, 不過無人肯做守龍果個, 咁不如向中圈就玩射中柱或中楣, 鐘意點射都得, 只要個波越過半場後, 第一下就中柱/楣咪當贏囉! 輸左呢? 緊係被人射龜啦! 呢個遊戲緊好玩架! 特別係當玩到球場熄左燈後, 成班友仲唔肯返屋企時, 向暗黑環境下黎玩, 仲正!
https://www.youtube.com/watch?v=O1oGMX6lO10
射籃 - 即是咁, 其實好多石地場, 旁邊都有籃球場, 而如果當時個籃球場無人玩緊, 過去消磨下等跟隊既時間都係非常好, 咁有咩好玩? 玩射籃囉, 鐘意射3分又得, 籃底下黎射都得.........首先, 你要射得入個籃!
https://www.youtube.com/watch?v=LuP4l4_p5O8
其實仲有好多好多, 最緊要, 就係同班波友一齊開心過, on9過........咁先係快樂童年!!!!!
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
各位讀者, 如有雷同, 實屬巧合, 因為呢D回憶, 其實大家都可能有................