[2017/18英格蘭超級足球聯賽第九周 - 熱刺 V 利物浦]
2017/18英格蘭超級足球聯賽第九周 - 熱刺 V 利物浦
開賽日期及時間: 10月22日 - 23:00
熱刺方面: 哈利簡尼自9月開始後, 入球不斷, 似乎要阻止呢位前鋒入波都唔係易事, 當然熱刺最強之人係艾歷臣, 佢既傳送功夫了得, 就好似以前既摩笛一樣, 而阿里踢唔踢出水準都好重要, 不過佢情緒有時會失控, 呢點要留意下! 當然熱刺仍未習慣溫布萊呢個主場都係一個大問題, 但現時要追及曼城, 每場波都咁重要, 唔可以失分架喇!
利物浦方面: 歐聯既一場大勝可以加強士氣, 更令張伯倫短暫破咒喇, 不過利記現時問題主要2個, 一係防守力, 今場作客, 相信會受熱刺狂攻, 守唔守得住好成問題, 二係今季出現既把握力問題, 雖然歐聯7:0大勝對手, 不過馬里博爾實力差一截下, 難以証明, 文尼受傷後, 沙拉同古天樂對於現時利物浦進攻體系更加重要, 希望法明奴同史獨可以爭氣入下波啦, 利物浦向聯賽無咩失分空間了!
.
K波預估戰況: 熱刺於英超聯賽已經重回正軌, 而歐聯亦能作客打和皇馬, 狀態正盛, 雖然利物浦於歐聯都打開勝利之門, 更贏對手7:0, 不過其實佢地最大問題都係防守力不足, 唔好被一場7:0被呃左, 熱刺同利記都係踢壓迫狂攻對手為主, 而且熱刺近年踢法非常硬淨, 利記仲要少左文尼呢隻快馬, 得番沙拉同古天樂難以突破熱刺防線, 呢場捧熱刺!
K波預估賽果: 熱刺 V 利物浦 - 3:1
回顧下上一次熱刺主場迎戰利物浦既片段啦:
https://www.youtube.com/watch?v=__4tN6kdYpo
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY