[2017/18英格蘭超級足球聯賽第十一周 - 曼城 V 阿仙奴]
2017/18英格蘭超級足球聯賽第十一周 - 曼城 V 阿仙奴
開賽日期及時間: 11月5日 - 22:15
曼城方面: 已經開行TUBRO去馬既曼城, 好似唔識輸波咁, 迪布尼係咁助攻, 阿古獸同耶穌係咁入波, 雖然後防仍然係會失波, 不過前面入番夠本。而其實最重要係曼城現時既FORM已經非常穩定, 只係將唔同既球員放入同一個位度踢, 哥迪奧拿終於成功將巴塞體系既踢法帶到曼城, 現時就睇呢段氣勢可以行幾耐喇。
阿仙奴方面: 雲加早日竟然向列強宣戰, 話今季係時候要贏英超, 已球隊其實於9月開始, 都有幾好既表現, 多次先失球但都可以反勝, 山齊士同奧燒都慢慢回歸番球隊, 銀河唯一又肯做後備, 拿卡鍚迪雖然唔算好搶眼但都向適當時間黎入波, 後防方面就繼續靠施治同埋高斯尼去頂住條防線喇。
K波預估戰況: 曼城咁強勢, 加上主場出擊, 照計會秤先過阿仙奴, 只會坐和望贏, 但阿仙奴今季的確唔錯, 懂得收放, 唔會一野放到底, 唔會成為左焦點既球隊, 咁樣反而令全隊壓力減低, 今場大戰或者可以見下2隊既真章喇, 曼城個勢去左咁耐, 都係時候要回一回氣, 阿仙奴或者可以偷雞, 特別係山齊士呢位可能於1月就轉會曼城既阿仙奴球員。
K波預估賽果: 曼城 V 阿仙奴 - 1:2
回顧上一次阿仙奴作客曼城既片段啦:
https://www.youtube.com/watch?v=6HRddwBNzvY
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY