[2017/18英格蘭超級足球聯賽第十八周 - 曼城 V 熱刺]
2017/18英格蘭超級足球聯賽第十八周 - 曼城 V 熱刺
開賽日期及時間: 12月16日(12月17日凌晨) - 1:30
曼城方面: 哥迪奧拿創下15連勝唔講得笑, 阿古獸, 250同埋辛尼係咁入波, 而最重要係雙核既施華同迪布尼都要有波入果度講, 而且今季曼城勁在賽事尾段都有絕殺波出現。不過後防始終都有D不穩, 一對中堅唔算穩陣, 好彩艾達臣幾好, 哥帥繼續向紀錄進發。
熱刺方面: 經過一段小小既黑暗期, 近況開始回勇, 而哈利簡尼亦都入番波, 只要佢入到波, 加上艾歷臣同阿里都交到貨, 熱刺攻擊就好勁喇。後防方面一向都算穩陣, 不過門將洛里斯有時有D高章波攪到失波都唔係出奇事, 呢樣野普捷天奴真係要好好諗下佢。
K波預估戰況: 曼城紀錄係咁創, 不過熱刺呢家波專打老虎, 而且佢今季唔分主場定作客都照殺, 所以今場好大機會將哥迪奧拿既紀錄封起。雖然熱刺要爭冠軍, 以目前18分距離都唔太可能, 不過本身佢要爭歐聯位, 而且熱刺班波搶錢咁搶, 話唔到可以令開始有D弱勢但未行完運既曼城黎個stop, 即管睇下哥迪奧拿係咪繼續創歷史喇!!!
K波預估賽果: 曼城 V 熱刺 - 1:3
回顧上一季熱刺作客曼城既片段啦:
https://www.youtube.com/watch?v=OLmntNSunDs
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY