[2017/18英格蘭超級足球聯賽第二十四周賽事精華 - 阿仙奴 V 水晶宮]
2017/18英格蘭超級足球聯賽第二十四周 - 阿仙奴 V 水晶宮
開賽日期及時間: 1月20日晚上 - 23:00
阿仙奴方面: 開始星散既阿仙奴, 無左禾仔同山齊士, 奧燒仲有無心踢都唔知, 要靠今季新加盟既拿卡鍚迪同黑碧去攻堅, 因為銀河唯一仍有傷在身。中場方面, 其實韋太子今季表現幾好架, 不過佢既隊友係燒鵝脾同沙加呢........燒鵝脾過hea, 沙加過勇, 反而上季外借般尼矛夫既韋太子表現仲實際, 希望佢同藍斯可以救救阿仙奴中場啦, 後防方面其實唔算太差, 不過門將既施治水準真係下滑了, 上仗被般尼矛夫反勝既失球都盡顯老態了。
水晶宮方面: 由鶴臣帶隊後, 水晶宮成績係咁上, 由榜尾上番現時排12既位置, 最勁當然係除夕夜和左連勝中既曼城啦, 果場波如果唔係米路禾積域射失球12碼仲可以贏埋添。其後3場2勝1敗, 上仗更加擊敗今季好強既般尼添, 可想而知有幾勁啦, 不過其實水晶宮今季入波唔係靠前鋒既賓迪基, 反而係靠沙夏既突破及自己入波, 同埋米路禾積域同沙高既入球, 後防方面, 由曼聯外借既文沙表現出色, 向傷兵勁多既後防入面成為左主力球員, 同門將既軒尼斯力守防線。
K波預估戰況: 阿仙奴近況唔太好, 水晶宮信心番晒黎, 作客既情況下, 理應有力贏埋阿記先係, 不過始終阿記主場都唔弱既, 只要班球員唔好因為星散而無晒鬥心(其實一直都無咩), 主場要保不敗應該可以, 贏就難DD啦, 所以黎個Draw啦!
K波預估賽果: 阿仙奴 V 水晶宮 - 1:1
回顧上一季水晶宮作客酋長球場既片段啦:
https://www.youtube.com/watch?v=_kS50OgSKuw
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY