[事後煙 - 面對現實吧: 熱刺 V 阿仙奴]
睇完熱刺一球小勝阿仙奴, 如果係阿仙奴球迷, 係時候面對現實吧。全場控球雖然雙方各有50%, 睇落好似幾均勢, 不過再睇埋射門次數, 17對4, 中框次數係6對1, 下半場熱刺多攻門到傻左, 即係話熱刺中框次數已經等於阿仙奴全場射門次數喇, 你又可以話攻門多唔一定踢得好, 有睇直播既朋友仔就知道, 其實熱刺呢場波要贏3,4球都仲得, 只係下半場D把握力奇差。
相反, 阿仙奴可以造出黎有威脅既攻門真係唔多, 係尾段有2次都被後備入替既拿卡浪費左! 不過呢, 拿, 你又唔好怪拿卡喎, 佢其實今季加盟後, 表現唔算差, 而且非常勤力添! 不過雲爺爺無啦啦買左對前多仔孖寶返黎, 即刻將拿卡踢落後備, 乜心情都無晒啦.......................
睇番今場波, MK仔同奧燒可以話係大賽必失球員, 消失個失............MK仔上場波助攻帽子戲法好似好威........今場再踢時, 遇到迫搶力強既球隊, 佢對抗性差既弱點又好似D囡囡著白色裇衫淋身一樣, 現晒形! 唔知係咪心態問題, 今場波MK仔即使向D無壓力既傳球都可以做得好差.................話唔定熱刺知道MK仔心理陰影面積最大果個人, 就用同名球員去MARK佢, 果個咪山齊士囉................
奧燒呢?! 慣性失蹤, 佢唔犯規所以有大頭鏡我都唔記得佢有落場添..........全場踢得最好果個係太子韋, 前仆後繼, 而且仲有球精彩遠射, 可惜被羅里斯救到乍!向雲爺爺抽走2位防中後, 太子韋就轉落去做埋防守, 要知道呢位沙維口中"巴塞青訓大把"既英格蘭中場鬥志一流, 經過上季去般利矛夫修練之後, 打仔格成熟晒, 今場要繼阿仙奴既最佳球員就只有佢喇...................
睇完呢場波, 阿仙奴球迷, 的確要接受同市死敵熱刺向實力上已經超越左自己, 上季完結得第六, 你可以賴一季乍, 下季返黎! 今季主場贏熱刺2粒, 不過山神走左, 雖然有MK加美羊, 但係成場波踢落完全給比下去............你或者會話一場波唔可以作準...........無錯, 上場波贏愛華頓5:1同樣唔可以作準喇.............
今時今日, 曼城、曼聯、熱刺、車仔輸俾中下游你會覺得係爆冷, 利記輸俾中下游你會繼續串佢利記海鮮, 阿記輸俾中下游, 你會有點習慣了...........贏到, 只係超水準! 阿迷, 面對現實了, 呢一刻要J只能J歷史了..............
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY