[2017/18英格蘭聯賽杯決賽 - 阿仙奴 V 曼城]
2017/18英格蘭聯賽杯決賽 - 阿仙奴 V 曼城
開賽日期及時間: 2月25日(2月26日凌晨) - 00:30
阿仙奴方面: 今季阿仙奴可以講得上係進退失據, 今季無得踢歐聯, 得番歐霸, 而且今季距離爭前四又越黎越遠, 山神, 銀河唯一, 禾仔同埋高基連都走左, 而且近季既2月都係阿仙奴絕望既開始, 不過今季可能有D唔同喇, MK同美羊黎左, 奧燒續約, 對球隊整體實力唔會太差, 而且現時可以全力爭歐霸, 今場聯賽杯決賽, 阿仙奴一定會搏盡。
曼城方面:今季向英超基本已拎冠軍, 餘下可以全力爭其餘戰線包括歐聯, 英聯賽杯, 辛尼已經復出, 仲有迪布尼, 施華同埋250, 最重要係阿古獸呢期真係超勁, 係咁入波, 而且剛剛拎埋1月英超最佳球員。後防方面, 包禾向杯賽踢下無咩問題, 只要踢番今季水準, 同埋唔好出舊石, 就應該無問題喇。
K波預估戰況: 阿仙奴今仗一定搏到盡, 歐霸基本上已經晉級, 曼城亦於歐聯大勝, 亦已經叫做晉級, 周一晚既足總杯竟然意外爆冷輸俾韋根出局, 今場決賽仲唔搏盡黎踢咩。不過英格蘭本土杯賽一直係近季阿仙奴最大勝利者, 曼城要贏都唔係易, 今仗我K波就搏阿仙奴可以一破今季曼城氣焰, 贏個杯賽, 威俾已離隊既山神睇。
K波預估賽果: 阿仙奴 V 曼城 - 2:1
回顧2隊上季向杯賽既對碰片段啦:
https://www.youtube.com/watch?v=bS_UXYhnX1Y
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY