[2017/18英格蘭超級足球聯賽第三十三周賽事 - 曼城 V 曼聯]
2017/18英格蘭超級足球聯賽第三十三周賽事 - 曼城 V 曼聯
開賽日期及時間: 4月7日(4月8日凌晨) - 00:30
曼城方面: 今仗主場贏曼聯即封王, 不過撞正歐冠三文治咁夾住自己, 首回合仲要落後3:0, 哥帥一早聲明會留力歐冠, 今仗或者會派出多名副選作賽包括耶耶托尼..........死火, 其實講唔出仲有邊個副選兵係弱.......我諗哥帥未致於派青年軍既, 或者掉轉講, 哥帥可能會收起施華, 迪布尼等等主力, 以便次回合主場隊爆利記黎翻盤。
曼聯方面: 今場波明顯係面子波, 因為曼聯要爭標已經無可能, 要保前四又應該問題不大, 最重要都係因為呢場係曼市打比戰加埋唔可以俾對手向自己面前封王, 所以摩連奴應該會派出最有鬥志既果班球員, 包括靴里拉, 盧卡古, 山齊士, 拜利, 楊格等等, 力阻對手, 而普巴呢.........睇下佢扭完計未啦!
K波預估戰況: 曼聯要防守泊大巴, 其實都幾難入佢波, 你睇利記就知啦, 不過曼聯要入曼城波, 首先都要拎到個波踢先得, 咁既情況下, 開細就應該走唔甩, 差在有幾細, A級定B級啦, 我就覺得A級波, 0:0喇!
K波預估賽果: 曼城 V 曼聯 - 0:0
回顧上季曼市打比既片段啦:
https://www.youtube.com/watch?v=JqJiI4wgi7k
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY