♥ 柑 B 成長日誌 ♥ 第十二個月 – 柑B一歲了 ~

柑B一歲了 ~
11個月跟12個月的成長日記就合併在一起吧! XD
這 2個月可是不停的在進步。
也愈來愈頑皮!

很知道咩可以搞, 咩唔可以搞。
但就愈唔比搞愈要搞。

就好似風扇, 佢搞之前會望下你。
如果你話佢, 佢就會鬧番你, 又或者大喊表示不滿!
而當我地一行 4人一齊話: 唔準!
柑B 就會 eerr 就鬧我 -_- (我係好蝦d?)

而佢知道佢對我喊係無用, 佢就會爬向爺爺。
爺爺一抱佢就會奸笑 ...

因為佢近日太愛入廚房亂搞, 我地不得不忍心要佢過鐵窗生涯XD
淘回來的, RMB 159 + 65 運費, 不用釘牆的, 很好 ~

佢用手, 丁腳想盡辦法, 仲伸手去開藍色舊野。
HAHA ~ 你繼續努力吧 ~ HOHO ~

健康院

1歲時去健康院。
姑娘唔肯幫佢度高 -_-
後來知道有 MAMA 發難先有得度, 其實做香港B 都幾慘架, 明明係立稅人o既仔女想度個高都要求人 ...

體重是 8.8KG, 明乎其實的 25 仔 (25線)


之前聽說有少少 test (eg: 拎星星餅)
結果是完全沒有 test!?
姑娘只是問 BB 在家做唔做到就當 PASS!
然後柑B突然靜止左, 原來條友仔在發功嗯嗯XD
結果姑娘話: 本來想抱下你, 都係唔好搞啦~

當天打 2 針 (我是完全在政府打的)

BEFORE - so high


AFTER - CRY CRY

可能在 5-12 發燒 or 出疹, 昨天出疹了>.<

牙仔

依然得 2隻, mama 會有個BB 已經 13隻了


不過無牙仔其實很可愛~HAHA~

屎屎

早排用小廁板比柑B便便。
頭一星期效果不錯。
不過之後突然又不肯用了!?

要 99 或爸爸豆佢。
佢一急 C 就會用水汪汪的眼睛望向爸爸。

所以柑爸亦自稱為「人間便器」!

吃東西

吃的東西比較多元化。
例如我地食飯仲會比 d 飯佢食。
麵啊, 包啊, 水果乳酪, 麥皮什麼都試過。



反而是奶真是愈吃愈少。
一向也只食 6,7 安。
現在可能 1-3安已經唔肯食。

姑娘話目標 1.5歲前要戎奶樽。
最好要改 1 日 3 餐 (我呆了)

真是可以只吃1日3餐嗎?
柑B 係唔係真係o甘聽姑娘話, 絕食奶奶? -__-

群體生活

因為柑B一向不太喜歡同其他BB玩。
多人佢又驚, 所以其實我也有在擔心。
不過上 PG 同姑娘都話其實o甘細個係未識同其他BB交流o既。
但我亦盡量帶柑B去多 D活動。


無論是 PG 還是 mama 會活動~
而我發現柑B也有進步了一點, 雖然也是比較喜歡自己玩。
但起馬唔係自己縮埋一邊同喊, 對這個小進步看在媽媽眼中也是一大步了 ~
個性

我發現柑B還是滿有個性的。
唔想做o既野你點迫佢都唔會做。
eg: 佢唔想食某 d 野, 佢個口係合得好實, 又或者你想佢同其他BB玩而抱佢去中間, 佢僧 9秒9o甘爬走。
又或者佢唔中意哥哥仔, 佢會寧可咩都唔玩, 比你玩曬, 一臉「你唔好搞我」。


而我相信因為佢比哥哥蝦得太多。(用蝦可能有 d 唔公平, 但因為年紀上o既差別, 柑B 的確係比人蝦XD)
所以佢對年紀大過佢o既小朋友 or 同齡亦不甚喜歡。

早前更學識還手。簡單 D 講就係哥哥搶佢野時, 佢一手抽住哥哥件衫, 一面大叫, 一副想打人o既樣子 -_-

然後有時出去玩, 如果佢玩玩下, 有人想一齊玩, 佢又會抽人件衫, 打人, meet 人, 推人等等。
就算人地大過佢, 佢都唔驚, 上次仲追住個已經識行o既BB打 (因為柑B未識人, 佢扶牆行追人)
我當然會阻止 + 講道理, 不過感覺上係無咩用 -_-

我明白佢因為比哥哥蝦得多, 想保護自己, 但長此下去也不是辦法, 點好呢?
我不想柑B變成技安呀 ...

我真係好唔想柑B 再同佢哥哥見面 ...
坦白講, 我覺得哥哥仔真係好頑皮 (其實柑B都頑皮, 可能佢係我個仔, 所以我接受到)

作為一個成年人, 我真係好唔想o甘小器去講一個小朋友壞話。
但柑B真係好唔中意佢架, 可唔可以唔好迫佢地一齊玩??
又或者柑B 表露討厭時可唔可以分番開佢地? (有時我番工時, 哥哥仔會去 99家玩)

企, 行
暫時都要扶住行。
有時拖佢可以行 2 步, 不過佢中意爬多 D。


我就由佢爬啦 ~
因為睇書話爬多 D, 對手腳協調好 D?!


這一年充滿甜酸苦辣。


當媽媽當然不容易, 我們這些要番工的媽媽跟 BB 相處的時間就更少了。
錯過了一些第一次, 只好默默安慰自己 ...

然而跟 BB 相處的快樂的心情卻是無法形容。(雖然柑B比較喜歡爸爸XD)


上班辛酸時看看手機的照片, 還有什麼會捱不過去!

共勉之 ~