柑 B 面試實錄 – 宏廣國際, 大興啟思 N 班

在屯門學位非常緊張期間, 正苦高官話屯門大把位wo!真係信佢一成都雙目失明! (我老公話尼句好out! XDDDD)

柑B 係 2012 年大仔尾8月B。
你可以話佢好彩, 因為有學校講明唔 in 細過8月的細仔。(有得in 都叫有個希望呀!)
你又可以話佢唔好彩, 因為同1月出世o既大仔一比, 柑B真係成舊飯o甘-_-;;

大興啟思同宏廣國際竟然同一日in!
一個9:30am, 一個10:00am
講明唔可以改時間 (除非出國), 於是當日in 完啟思即飛的去宏廣!
好彩又趕得切!

大興啟思

當日in9:30am, 9:10左右到達, 不過因為要分流, 9:25左右先可以入去。
好快就叫名了, 柑B 同另一個朋友入左同一課室, 玩左一陣玩具。之後老師就入黎啦, 老師話: 13個月仲好細個wo!
我: 而且佢仲好baby face ~ XD

老師比本布書叫柑B睇, 柑B 居然用摩打手, 幾秒就翻完成本書。
老師都忍唔住笑: 你睇得好快wo!

叫柑B 比個包包玩具我, 結果佢竟然唔捨得, 求其比他野我, 係都唔比個包。
好彩最後都有扮餵我食…

之後切生果 (柑B 當然唔識), 不過老師又話: 你o甘細個都唔夠力架啦!
柑B即徒手撕開左D 生果-_-
老師: 你都幾大力架wor … (汗)

老師叫柑B握握手, 柑B唔肯, 老師就比公仔柑B握握手, 佢都唔肯。
老師又指下柑B張相問: 邊個呀!
柑B 又零反應… (平日見到自己張相會卡卡大笑)

最後老師比左星星貼紙柑B 叫佢: 比媽咪!
點知佢 9秒9 貼o係自己個身上。
老師話: 你o甘叻自己貼?
然後就bye bye 老師。
全程柑B 都肯坐chair, 不過後期不停走佬。

對學校印象唔錯, 當日見到校長都有親身出現, 老師都幾nice, 我很欣賞老師就算柑B完全唔跟指令都唔會話佢, 反而o係其他方面讚賞佢。(eg: 柑B唔比貼紙媽咪, 貼o係自己身, 老師反而讚佢叻叻比左鼓勵佢)

要11月頭先知收唔收, 你問我柑b 表現怎樣?
我覺得算不錯, 雖然好多指令都跟唔到, 但對一個只有13個月的小baby 又可要求什麼 ~ :P

宏廣國際

當日in 完啟思就飛的去宏廣。
如open day 一樣, 所有人入學校要先穿鞋套。
而當天真是人山人海, 當日職員貼錯左柑B 的名字label, 有一位很 nice 的女士立即說不用意思 (後來才知道原來是校長)

宏廣非常大, 非常靚, 所以硬件都非常吸引。
教程也很不錯。

一開始是5,6個小朋友入房, 英文老師唱歌, 睇小朋友反應。我就一路捉住柑B 跟老師做動作, 後來老師叫我地家長全部放手。
結果一半 BB 都大暴走XD (包括柑B)
但我好中意個外籍老師 (好似叫Miss Rachel), 表情夠誇張, 好nice! 成日話very good!
一定好得小朋友中意~

然後就入另一個課室, 叫小朋友自己玩玩具, 觀察下。
同group 有個普通話小朋友, 我一見佢已經覺得唔係路, o甘大份o既-_-
就在柑B連疊高都未識o既情況下, 尼位小朋友用積木疊左個停車場(仲放D 車o係上面行)。
我果一刻好想同佢講: excuse me, in K 班唔係尼度, 尼度in N 班架! XD

最後宏廣收左柑B 下午班。
上下午班各63人, 每班10-12人/2位老師, 是小班教學, 很吸引~
但最大問題是地點不方便, 99話一定唔比BB坐校巴, 佢辛苦 D 都會自己接送。
現在心大心細, 交不交 $660 留位費好呢?