「香港兒童健康調查」報告發佈會

早前柑媽出席左「香港兒童健康調查」報告發佈會, 原來大部分香港兒童同家長都有奶類攝取量及運動量不足嘅問題！😱
今次報告發佈會我覺得都學到幾多新知識, 所以詳細同大家分享下~

奶類攝取︰
跟據研查發現每四位兒童就有一位（25.7%）於六歲或之前已「戒奶」, 而且超過三成受訪兒童（33.7%）沒有飲用牛奶的習慣~

咁其實一日應該要食用幾多奶類呢?
衞生署建議任何年齡人士, 由兩歲的兒童至長者, 都需要每日進食至少一至兩份奶類及代替品。(代替品即係乳酪/芝士之類)

牛奶係其中一種蘊含多種豐富營養素的食物, 當中包括蛋白質、鈣、磷、維他命 A 和D等, 好有營養架!

而家長飲牛奶的習慣會對子女有正面影響, 即是父母有飲開奶, 小朋友多數都會一齊飲!

VNS營養健康中心首席註冊營養師詹兆洲先生亦特別提起, 有D人飲牛奶後會覺得不適(我都係), 普遍原因係乳糖不耐症, 但原來患乳糖不耐症的人士可嘗試由每日飲用三分一杯牛奶開始, 逐漸增加份量, 讓身體慢慢適應, 『戒奶』係消極的選擇。

運動習慣︰

受訪兒童的運動量低於世界衞生組織的建議三成六（36%）；而家長的運動量則遠低於世衞建議六成（59.8%）

5-17歲嘅小朋友每日最少要運動60分鐘(係咪好驚呢, 我想知跳梳化算唔算XD)

其實父母與子女的運動量有直接而正面的關係, 父母每星期做運動的日數愈多, 其子女做運動的日數也愈多。

香港浸會大學體育系副教授及香港運動醫學及科學學會會長雷雄德博士更表示, 『飲食均衡』及『適量運動』兩者皆為兒童健康的基礎!


參與多元的運動項目(跑、跳、擲), 小朋友嘅心肺功能、骨骼及肌肉等先可以~
雖然柑B都成日做運動, 但就明顯唔夠多元化, 睇黎我都要好好調整一下柑B嘅活動重心。

我地柑家都經常有做親子運動, 柑B真係非常開心(我同柑爸都好開心), 一家人一齊係更容易提升孩子對運動的興趣及運動量, 同時可加強彼此的溝通及鞏固家庭關係。

比多個提示大家, 幾個 family 同朋友仔一齊運動快樂指數係倍倍倍倍倍增! XD
過重和肥胖的兒童更大機會在成年後仍然肥胖, 並更有可能較早患上糖尿病和心血管病等非傳染病, 或在成年後出現過早死亡及殘疾。

而要減少兒童和青少年肥胖情況, 須自小培養健康飲食及恆常運動的習慣, 長遠有助減低非傳染性疾病風險。

所以『飲食均衡』及『適量運動』真係非常重要~

好啦, 依家問下自己, 有無比小朋友一日食2份奶類?
有無同小朋友一齊親子活動呢?

無都唔緊要, 依家開始都唔遲架!

柑B同朋友仔一齊踩左60分鐘平衡車, 再飲一包奶, 任務完成😆

#世界牛奶日 #worldmilkday