無綫10大膠劇回味

6. 隔世追兇（2004）
在《蝙蝙俠—俠影之迷》，精神科醫生「稻草人」說他相信精神力量遠比肉體強大。但早在《隔世追兇》，石修已經示範了其獨家催眠術之威力：「我當時好危險，生命受到威脅，於是我停落嚟，我望住佢，我咁同佢講，你流緊血喎，你睇地下，一滴，二滴，三滴，就係咁，我催眠咗佢……」。可惜催眠觀眾不成，只是隔住公仔箱滲出陣陣膠味。
但石修沒有氣餒，除了在《荃加福祿壽探案》中對戴耀明再度施展外，拍攝「電訊魔童」王維基的開台廣告也重施故技：

5. 神鎗狙擊（2013）
作為「狙擊」系列最後一輯，警察的體能一集堅過一集，單係謝天華單手爬山，另一隻手仲可以講電話咁瀟灑，就已經膠味十足。而徐子珊更是刀槍不入，多次受炸彈、連槍掃射都絲毫無損，獲封「不死子珊」。雖然劇中警察體能大有進步，但頭腦顯然退化，否則就不會有飛虎岑麗香誤信脷舐水泡可以鎮痛一說。

4. 叛逃（2014）
可謂《神鎗狙擊》升級版，恐怖分子徒手持炭狙菌、商場內亂槍掃射而不傷及無辜；而反恐部隊，陳展鵬繼承「不死子珊」的金剛不壞身不在話下，他和關禮傑體能更強到能跳過隔離大廈天台，騰空能力遠勝飛人佐敦、卡達，情理之誇，畫面之假，令人回（膠）味。所以梟雄黃秋生講得啱：「淨係王心慰監製都值得一睇啦！」