2015《萬千星輝頒獎典禮》騎呢位逐個睇！

3. 食KFC
在頒完「最佳受歡迎經典劇集」後，Did Did姐聲稱因為即將頒發男女主角獎，氣氛緊張，需要食嘢：
（source：Picssage Cap圖鍵盤
https://www.facebook.com/picssage/videos/753949781416086/）

果然是TVB，繼節目早段「荷蘭叻」得獎後，又一TVB「老屎窟」王晶曲線登場。因為Did Did 姐此一邏輯，令人想起王晶執導《超級整蠱霸王》中，葛民輝吃「誠實燒鷄翼」定驚：
早前台慶趣劇已經抄過奧斯卡 Ellen DeGeneres 食PIZZA一次，但當時趣劇有汪阿姐演出，LIZA食PIZZA，都算有個爛GAG，跟2011年蘋果訪問葉山豪，叫葉山豪食生蠔有異曲同工之爛。但昨日真的完全無厘頭，植入廣告都算了，大show食KFC似乎太寒酸。亦有有觀眾認為鄭裕玲除了致電秋官祝賀《大時代》奪獎外，也致電218 5個0「叫鷄」：
不過KFC最終僅由工作人員送達，而非「218 5個穎」。近日人氣急升的Jackz亦大感可惜：


4. 頒獎嘉賓曲定直？
「最受歡迎電視男角色」頒獎片段：

鍾嘉欣亂撐張繼聰？
鍾：「張繼聰？我無睇《梟雄》喎！」田、胡：「張繼聰係《師奶Madam》架！」（明明張繼聰憑《收規華》提名）
明顯夾稿開玩笑，張繼聰亦奉陪，但居然惹來觀眾大插鍾嘉欣無備課。

田蕊妮臭串搶鏡趕客？
田蕊妮被指任頒獎嘉賓時懶大牌，當正自己一姐，而且一句「乜我攞過視后咩？」亦惹怒鍾嘉欣Fans，認為田蕊妮在曲線恥笑鍾嘉欣未曾奪視后。此外，亦有觀眾認為大塊田在秋生「最佳男主角」得獎感言時故意搶鏡，十分反感：

不論真假，田蕊妮前年因（網）民意憑《巨輪》「倀鷄英」一角勇奪視后，但民意捧得你做視后亦可以踩到你一文不值，來年田蕊妮會有《巨輪2》、《來自喵喵星的你》兩套添食作，好自為之。而且當日明顯是大台潛規則下的偶爾破例，就憑《網絡挑機》、馬國明不續約做大台親生仔繼續灰足XX小時，而陳煒年過40都要仆到去簽7年長約做親生女，就知道方丈大方極有限；亦可以話昨晚始終係一場show，當然一切盡在大台掌握中。正如心水清的觀眾表示，鄭裕玲介紹鍾嘉欣出場時，強調鍾嘉欣「今天才於大陸奪視后」，暗指大台表示今屆自己已經為鍾嘉欣「做咗嘢」，就等於已經在大馬頒過視帝予陳展鵬。小圈子係做馬，包括韋家雄，又如何？