網民質疑「神劇」《刀下留人》結局爛尾？

《刀下留人》昨晚（1月11）第26集大結局，雖然此劇懶高深討論生死、加上女一邵美琪25集被男一木獨大隻斌斬頭，因而未到結局（甚至播至中段）已被部分觀眾、網民捧為神劇，但昨晚大結局似乎也不少量膠位和TVB式大團圓，被部分觀眾、網友質疑爛尾。

先講「抵讚」的，葉常綠於火場單人匹馬擊退東廠錦衣衛之後，因有感行屍走肉而想葬身火場，後被思想中的花蕊紅勸服，此劇由頭追／Ｊ到尾的觀眾必Like，肯肯定大讚好感人、好有深度，而且可以媲美張家輝的「你而家無，但係將來會有」：再來講爭議位，李孜省扮自殺行刺皇帝失敗，有觀眾質疑為何皇帝衝口而出「劊子手聽命」，更提議乾脆讓赤知秋擋刀就避免了這疑似膠位：
斬完李孜省，果然「一天都光晒」，用了好幾分鐘交封賞眾人，略嫌公式老土：
不過封賞過程亦有「羊明」神展開，先不講前幾集忽然逃脫、入東廠、極速一身好武功，明明還稱要與葉常綠算賬：
廿幾分鐘後就話已拜師，自薦做劊子手：
之後刑房有人脫臼，羊明又識醫，忽然做足晒準備做劊子手：
又玩埋讓愛，略嫌幾個位一齊夾硬做到羊明要看透赤映霞之死和放下對葉常綠的恨：
亦有有觀眾質疑康華判決過輕：
最後，滿以為葉常綠與花蕊紅會以「金句」「淒美」作結，殺出一位婦人懶係講因果本來是錦上添花的，可惜，不知是否珊姐一早發功，見你倉底劇就點都要攝一個已過檔無綫的倉底有線幫譚凱琪，但其腔調被觀眾認為與古裝格格不入，甚為趕客：
如果劇組跟得夠貼，或者應該像《棟篤神探》翻拍結局，因為原來主角不能死，一死就神劇，所以至少都殺埋女二康華，與女一邵美琪和女三簡慕華泉下團聚，咁就神中之神，監製羅鎮岳即時一躍成為戚周二人組之列，就算拍過《無雙譜》、《新愛回家》都無人會記得。公道講句，今次算係幾認真；觀眾亦不妨每年頒獎禮後才開電視看倉底劇，一定有驚喜。

（註：文中網民意見出自 discusshk 及 hkgolden；圖片來自 mytv.tvb.com 截圖）