《警犬巴打》「豬扒港姐」，網民：「OK咗！」

朱千雪從2012年選港姐之時已深得年輕網民喜愛，雖然敗於張名雅及黃心穎，一樣被稱為「民選冠軍」。近期無綫劇集《警犬巴打》中她的演出片段亦被部分網民晚晚瘋狂Cap圖。除了朱千雪，同劇另一港姐、做朱千雪家姐的2007年冠軍張嘉兒亦成為另一話題，因為網民覺得她變瘦後似乎「靚咗」、「OK咗」；而且髮型及生硬的對白，做傻更更的黎淑珠，選角亦未至於太差：

眾所周知，張嘉兒參選時已被觀眾、傳媒批評外貌，稱之為「肥版／翻版黃宇詩」，亦有觀眾認為與孔慶翔撞樣，難怪當選冠軍後更被稱為最醜的港姐、「豬扒港姐」等。
（黃霑女兒黃宇詩）

素來包面的張嘉兒，瘦面非一日達成，其實2014年開始已經有成果；做《愛回家》亦與《警犬巴打》拍擋古明華有對手戲。
同年疑似素顏自拍照亦有網民笑稱差點認錯是何家千金超蓮：雖然出道被指肥、包面，但似乎瘦面不瘦胸，前年跳與張名雅跳拉丁舞的造型，自然獲胸奴正評。
不過亦有網民指，不知張嘉兒是「Version幾」，暗指她可能曾效法疑似削骨還父的胡鴻鈞。而就算無，今次張嘉兒只是髮型的錯覺。講返整個角色，造型確係幫了她一大忙，加埋角色的表面設定，起碼算令觀眾記得，好過劇中另一姊妹蔣家旻，觀眾仲以為做緊馬子妮。雖然都係嗰句，喊得出不代表好戲，而張嘉兒總好過三哥喊極唔出。咁當然，張嘉兒當選多年，令人記得的劇可能仲少過「蔡思達」、「零波琳」，朱千雪都去讀書啦，張嘉兒志不在此亦不出奇；加上無綫底薪邊夠秘撈好搵，呢啲就真正過戲癮喇。