鄧健泓再次離開 TVB，值得更紅還是已經超額完成？
鄧健泓近日再次離開TVB，接受《蘋果日報》訪問重提受「迷魂黨」拖累，爭啲抑鬱：
（全文：做迷雲黨成負累 失自信險抑鬱 鄧健泓逃離TVB鬆口氣）
訪問中他說被視為「迷魂黨」一員後：「戴咗好多有色眼鏡望住我，大家突然間唔記得咗曾經我前嗰8年9年係用我自己能力生存」、「全世界都唔鍾意我」。
OK，先回帶鄧健泓當年以至今日的能力去到邊度。鄧健泓1996年新秀出道簽TVB及華星，當年冠軍何韻詩。之後「紅歌不紅人」［所謂紅歌其實亦非甚麼金曲金，因為到2003年《阿琴》先第一次攞到冠軍歌（叱咤、勁歌）］；但《如果有神》、《阿四》、《直上》、《朋友二號》、《心寒》，絕對曾經係K場熱門歌（可能而家都仲係）：
（網民自製Medley，有興趣自行搵全首）
兒歌亦有hit 歌《單車王子》：
訪問中亦多少抱怨不獲TVB重用。他確實演過不少閒角，但亦未至於完全投閒置散，至少都擔正過《桌球天王》。講其他多戲份的演出，《隔離七日情》選角係OK的，鄧健泓so far 最自然的其實係《男親女愛》阿Man或《龍咁威》睇煙花市民。雖然演技無乜，但本身講嘢腔調確有一種戇直、頹廢感。
但在警匪劇例如《刑警》、《法網狙擊》、遺作《使徒行者》等做奸仔／黑警，雖然角色有些少發揮，但未知是否因為2009年開始做舞台劇，開始「磨練下演技」，睇得出真係「好用力」演，同《刀下留人》李孜省（吳岱融）一樣，太作狀、太跨，問心真係有待改善。呢套演法舞台劇界可能好buy啦，我真係唔知。人各有志，覺得舞台劇有得發圍咪去馬。
講真，網民講鄧健泓講得最多都係食女無數（4位香港娛圈食女專家）、台慶「見財化屎」，同埋被蔡一智認錯做鄧健明，話你樣衰之類的言論明顯非戰之罪，有乜好抱怨呢？何況的確有一定網民認同其歌曲／歌藝，自己都識講喺張敬軒演唱會唱歌全場拍手。娛樂圈咁多人努力，鄧健泓至今真係唔紅入唔到屋，係咪真係怪得晒人、像訪問所講係受迷魂黨拖累、俾觀眾網民唱衰唱死或者TVB無俾過機會你？定係鄧健泓你能力有限，如今還有人記得《朋友二號》已經超額完成？
（全文：做迷雲黨成負累 失自信險抑鬱 鄧健泓逃離TVB鬆口氣）
訪問中他說被視為「迷魂黨」一員後：「戴咗好多有色眼鏡望住我，大家突然間唔記得咗曾經我前嗰8年9年係用我自己能力生存」、「全世界都唔鍾意我」。
OK，先回帶鄧健泓當年以至今日的能力去到邊度。鄧健泓1996年新秀出道簽TVB及華星，當年冠軍何韻詩。之後「紅歌不紅人」［所謂紅歌其實亦非甚麼金曲金，因為到2003年《阿琴》先第一次攞到冠軍歌（叱咤、勁歌）］；但《如果有神》、《阿四》、《直上》、《朋友二號》、《心寒》，絕對曾經係K場熱門歌（可能而家都仲係）：
（網民自製Medley，有興趣自行搵全首）
兒歌亦有hit 歌《單車王子》：
訪問中亦多少抱怨不獲TVB重用。他確實演過不少閒角，但亦未至於完全投閒置散，至少都擔正過《桌球天王》。講其他多戲份的演出，《隔離七日情》選角係OK的，鄧健泓so far 最自然的其實係《男親女愛》阿Man或《龍咁威》睇煙花市民。雖然演技無乜，但本身講嘢腔調確有一種戇直、頹廢感。
但在警匪劇例如《刑警》、《法網狙擊》、遺作《使徒行者》等做奸仔／黑警，雖然角色有些少發揮，但未知是否因為2009年開始做舞台劇，開始「磨練下演技」，睇得出真係「好用力」演，同《刀下留人》李孜省（吳岱融）一樣，太作狀、太跨，問心真係有待改善。呢套演法舞台劇界可能好buy啦，我真係唔知。人各有志，覺得舞台劇有得發圍咪去馬。
講真，網民講鄧健泓講得最多都係食女無數（4位香港娛圈食女專家）、台慶「見財化屎」，同埋被蔡一智認錯做鄧健明，話你樣衰之類的言論明顯非戰之罪，有乜好抱怨呢？何況的確有一定網民認同其歌曲／歌藝，自己都識講喺張敬軒演唱會唱歌全場拍手。娛樂圈咁多人努力，鄧健泓至今真係唔紅入唔到屋，係咪真係怪得晒人、像訪問所講係受迷魂黨拖累、俾觀眾網民唱衰唱死或者TVB無俾過機會你？定係鄧健泓你能力有限，如今還有人記得《朋友二號》已經超額完成？