李添勝「榮休」，這位 TVB 金牌監製捧紅過他們！
TVB 監製「添叔」李添勝前日（3月17）於尖沙嘴設宴榮休，叫得金牌監製，多年來出品不少膾炙人口劇集，當然亦同時捧紅不少藝人，所以場面熱鬧。已轉行的如黃澤鋒、劉曉彤，或者轉投港視的如艾威、郭峰都有出席。
（頭條日報圖片）
（林叔敏Facebook 圖片）
在講添叔捧紅那些明星之前，添叔其實自己都紅過。他自稱1969年5月1日加入TVB，由道具布景組做起，做到場務、助理編導、編導，成為金牌監製之前曾客串幕前，有咁上下年紀觀眾讀者一定記得《歡樂今宵》掃街茂一角。
（前排左，右為盧海鵬）
添叔成為監製後捧紅了這些歌手、藝人：
甄妮
1978年的《奮鬥》是添叔同年監製出道作《大亨》之後另一商戰奮鬥劇，雖然套劇及演員整體水準不錯，但講捧得最紅是甄妮，她所唱劇集同名主題曲，令同名專輯曾經是香港史上最高銷量唱片。
周潤發、鄭裕玲
李添勝無直接捧紅發哥、DoDo姐本人，但1979年大熱劇集《網中人》確立發哥和DoDo姐繼鄭少秋與汪明荃之後的幕前金牌情侶檔。
廖偉雄
（蘋果日報圖片）
承上，《網中人》「燦神」廖偉雄所演「阿燦」一角，形象鮮明，「阿燦」成當時社會上對大陸新移民的潮語及標籤。
劉德華
有份到賀的華仔，1982在添叔的《獵鷹》做卧底，首次擔正男一並開始走紅。翌年就成為「五虎」之一獲進一步力谷，1984年再在添叔的《鹿鼎記》演康熙，梁朝偉做韋小寶，至今仍為經典。
梁朝偉
承上，最近深宵時段重播的1984年版《鹿鼎記》，成功捧紅梁朝偉，當然同年《新紮師兄》杰佬一角亦有功勞。雖然及後以電眼、《無間道》陳永仁、拍王家衛文藝戲攞埋康城影帝聞名，但梁朝偉《射鵰英雄傳之東成西就》、《風塵三俠》、《有情飲水飽》、《行運超人》等喜劇的表現不俗之餘其實頗有演返韋小寶的味道。
黎耀祥
（TVB 劇照）
2004年的《楚漢驕雄》 計歷史錯漏，喺TVB之中唔算多。就算有，都被張華標的公式劇情張力以及一眾演員精彩演出所掩蓋，包括江華、鄭少秋、吳美珩、張可頤、蔣志光；但最搶鏡的一定係黎耀祥，韓信一角是《西遊記》系列豬八戒之後的代表作。
（TVB 劇照）
除了這2個角色，1997年《香港人在廣州》吳堅毅、2005年《秀才遇著兵》史其旺、2006年《鐵血保鏢》分飾尚忠／尚武、2008年《秀才愛上兵》分飾戴從文／戴從武；甚至在影圈1998年《生化壽司》爛牙駒、2003年《低一點的天空》細路祥，黎耀祥已用表現証明自己演技，只等一個機會。終於2009年等到，在添叔《巾幗梟雄》柴九一角擔正，2010年再添食《巾幗梟雄義海豪情》劉醒，奠定一線及「視帝祥」地位。可惜成也添叔，「敗也添叔」。早已想退休的添叔被TVB遊說續約後，2013年《神探高倫布》，編審以葉廣蔭取代老拍檔張華標就出事，成為經典膠劇。而視帝祥的演出此後至今亦每況愈下。
呂頌賢
（網絡圖片）
「離島特警」呂頌賢近年基本上已消失於香港影視界，對上的演出可能已數到2010年亞視劇《法網群英》。能夠專心轉戰大陸，全靠1996年在添叔《笑傲江湖》演令狐沖（雖然演岳不群的王偉才演得最好），演技好唔好一件事，但當年真係令佢紅遍中港台。
馬浚偉
（TVB劇照）
1998年添叔再開《鹿鼎記》，梁朝偉、周星馳珠玉在前，陳小春就算演出正路亦無法超越，加上古惑仔山鷄一角太具代表性，反而該劇首次擔正男一演康熙的馬浚偉表現較討好。當然，老馬偉經過《妙手仁心》Joe、《十月初五的月光》司徒禮信入屋角色後，《勇往直前》才開始一線生涯：《洛神》、《帝女花》、《金牌冰人》都叫好叫座，而以上都不是添叔出品。
但馬浚偉一度離巢攻大陸，06年失敗而回後，添叔、張華標開《鐵血保鏢》高收，擔正的老馬偉才成功翻身，第4次奪「我最喜愛的電視角色」。
不過之後《碧血鹽梟》、《紫禁驚雷》、《當旺爸爸》未能幫佢回復當年勇，仲拍過悶作《金石良緣》、《老友狗狗》，與鍾嘉欣拍檔亦未見討好。2013年再上大陸掘金後，14年回巢作《守業者》演技大退步，觀眾網友笑指劇中淨係識掩面、拍牆，表情又經常好似菊花俾人桶；但比視帝祥更衰，因為有傳繼《鐵血保鏢》之後再度扮大佬兼教人做戲。
以上幾位上到一線，而以下幾位雖然半紅不黑，但至少添叔的劇幫過他們重要一把：
劉錦玲
亞視出身，紅唔到，過無綫，其實可以話未真正紅過。但至少參與添叔1997的《天龍八部》阿朱一角，叫做有返個代表角色。幾年前退出做保險。短暫的演藝生涯另一代表作，是自稱被李子奇胸襲奇聞。
陳少霞
（網絡圖片）
講演藝生涯短暫，陳少霞亦好短，大約10部劇。雖然曾經受劉德華提攜開戲俾佢擔正，但蝕到入肉，反面收場；但在添叔榮休宴上合照破冰。轉投無綫後未有大紫大紅，不過1996年在添叔《笑傲江湖》做岳靈珊、1998年陳小春版《鹿鼎記》做雙兒，都算係觀眾會記得佢的角色。
李若彤
（網絡圖片）
從以上幾位就知道，8,90年代最容易紅遍中港台的相信係金庸武俠劇。1995年版，李若彤雖然演技唔夠陳玉蓮，但外形搭夠。與古天樂2個出道無耐，添叔夠膽用嚟擔正，結果小龍女成為李若彤代表角色；而楊過，講古天樂劇集代表性，就無可能及得上《創世紀》張自力、《尋秦記》項少龍。
陳山聰
（晴報圖片）
《我的如意狼君》(2011) 和《天梯》(2012) 整體真係麻麻。《我》有麗淇姐的趕客演技、又多甩漏，《天梯》就太慢太悶，但這2套添叔自稱多多少少都「發掘」和確立了陳山聰二世祖、亦正亦邪的戲路；你睇早輪《潮流教主》做潮人，日日都有人估佢究竟幫 Ali 定咖啡豪就知。而更重要係，陳山聰曾因與何超雲緋聞被TVB 雪，係添勝落足嘴頭令陳山聰可以憑《天梯》解凍出返嚟。
姚子羚
（TVB 劇照）
馬浚偉以外，《鐵血保鏢》的另一受惠者。姚子羚2004年在徐正康的《棟篤神探》做忽得妹已經提名「飛躍」，2005年《酒店風雲》Chloe 再提名飛躍和最佳女配角，所以姚子羚成名，添叔的功勞可能仲少過郭峰。但添叔是首個用姚子羚做女一的監製，正是2006年《鐵血保鏢》利祥鳳一角。
唐詩詠
（蘋果日報圖片）
同姚子羚一樣自「四葉草」出身的唐詩詠，是添叔「愛將」，愛到在《鐵馬尋橋》搵李天翔姦佢。《神探高倫布》有女一做，結果添叔再搵敖嘉年姦多佢一鑊。
不過添叔好聽叫「榮休」，查實亦非完美收結。例如《巾幗梟雄》第3輯《諜血長天》被抽起，現正8點半檔原本是添叔15集賀歲劇《財神駕到》，不過添叔自稱TVB為了盡量在4月視帝祥、毛姐、陳國邦新處境劇《八時入席》出街前清晒視帝祥的劇，就讓路俾35集的《公公出宮》出街先。
（TVB 劇照）
而講劇集質素一樣「臨老過唔到世」。添叔選角固然（曾經）有一手，但其實佢近年劇集能夠保住金牌監製招牌，好大程度上都係因為碼住張華標做編審。未知係咪因為2010張華標去大陸拍劇，加上添叔一直想拍《呂后傳奇》但開唔成，又老早想退休；而逢係唔續（長）約（例如陳豪、視帝祥）喺TVB 只剩帶新人作用，所以添叔臨退休《神探高倫布》谷下葉廣蔭，《我的如意狼君》、《天梯》就俾長期跟添叔、張華標搵食的石凱婷、陳靜儀機會省下到招牌，又重召徐達初回巢同蕭朗寫《宦海奇官》，但質素真係爭啲。
（頭條日報圖片）
（林叔敏Facebook 圖片）
在講添叔捧紅那些明星之前，添叔其實自己都紅過。他自稱1969年5月1日加入TVB，由道具布景組做起，做到場務、助理編導、編導，成為金牌監製之前曾客串幕前，有咁上下年紀觀眾讀者一定記得《歡樂今宵》掃街茂一角。
（前排左，右為盧海鵬）
添叔成為監製後捧紅了這些歌手、藝人：
甄妮
1978年的《奮鬥》是添叔同年監製出道作《大亨》之後另一商戰奮鬥劇，雖然套劇及演員整體水準不錯，但講捧得最紅是甄妮，她所唱劇集同名主題曲，令同名專輯曾經是香港史上最高銷量唱片。
周潤發、鄭裕玲
李添勝無直接捧紅發哥、DoDo姐本人，但1979年大熱劇集《網中人》確立發哥和DoDo姐繼鄭少秋與汪明荃之後的幕前金牌情侶檔。
廖偉雄
（蘋果日報圖片）
承上，《網中人》「燦神」廖偉雄所演「阿燦」一角，形象鮮明，「阿燦」成當時社會上對大陸新移民的潮語及標籤。
劉德華
有份到賀的華仔，1982在添叔的《獵鷹》做卧底，首次擔正男一並開始走紅。翌年就成為「五虎」之一獲進一步力谷，1984年再在添叔的《鹿鼎記》演康熙，梁朝偉做韋小寶，至今仍為經典。
梁朝偉
承上，最近深宵時段重播的1984年版《鹿鼎記》，成功捧紅梁朝偉，當然同年《新紮師兄》杰佬一角亦有功勞。雖然及後以電眼、《無間道》陳永仁、拍王家衛文藝戲攞埋康城影帝聞名，但梁朝偉《射鵰英雄傳之東成西就》、《風塵三俠》、《有情飲水飽》、《行運超人》等喜劇的表現不俗之餘其實頗有演返韋小寶的味道。
黎耀祥
（TVB 劇照）
2004年的《楚漢驕雄》 計歷史錯漏，喺TVB之中唔算多。就算有，都被張華標的公式劇情張力以及一眾演員精彩演出所掩蓋，包括江華、鄭少秋、吳美珩、張可頤、蔣志光；但最搶鏡的一定係黎耀祥，韓信一角是《西遊記》系列豬八戒之後的代表作。
（TVB 劇照）
除了這2個角色，1997年《香港人在廣州》吳堅毅、2005年《秀才遇著兵》史其旺、2006年《鐵血保鏢》分飾尚忠／尚武、2008年《秀才愛上兵》分飾戴從文／戴從武；甚至在影圈1998年《生化壽司》爛牙駒、2003年《低一點的天空》細路祥，黎耀祥已用表現証明自己演技，只等一個機會。終於2009年等到，在添叔《巾幗梟雄》柴九一角擔正，2010年再添食《巾幗梟雄義海豪情》劉醒，奠定一線及「視帝祥」地位。可惜成也添叔，「敗也添叔」。早已想退休的添叔被TVB遊說續約後，2013年《神探高倫布》，編審以葉廣蔭取代老拍檔張華標就出事，成為經典膠劇。而視帝祥的演出此後至今亦每況愈下。
呂頌賢
（網絡圖片）
「離島特警」呂頌賢近年基本上已消失於香港影視界，對上的演出可能已數到2010年亞視劇《法網群英》。能夠專心轉戰大陸，全靠1996年在添叔《笑傲江湖》演令狐沖（雖然演岳不群的王偉才演得最好），演技好唔好一件事，但當年真係令佢紅遍中港台。
馬浚偉
（TVB劇照）
1998年添叔再開《鹿鼎記》，梁朝偉、周星馳珠玉在前，陳小春就算演出正路亦無法超越，加上古惑仔山鷄一角太具代表性，反而該劇首次擔正男一演康熙的馬浚偉表現較討好。當然，老馬偉經過《妙手仁心》Joe、《十月初五的月光》司徒禮信入屋角色後，《勇往直前》才開始一線生涯：《洛神》、《帝女花》、《金牌冰人》都叫好叫座，而以上都不是添叔出品。
但馬浚偉一度離巢攻大陸，06年失敗而回後，添叔、張華標開《鐵血保鏢》高收，擔正的老馬偉才成功翻身，第4次奪「我最喜愛的電視角色」。
不過之後《碧血鹽梟》、《紫禁驚雷》、《當旺爸爸》未能幫佢回復當年勇，仲拍過悶作《金石良緣》、《老友狗狗》，與鍾嘉欣拍檔亦未見討好。2013年再上大陸掘金後，14年回巢作《守業者》演技大退步，觀眾網友笑指劇中淨係識掩面、拍牆，表情又經常好似菊花俾人桶；但比視帝祥更衰，因為有傳繼《鐵血保鏢》之後再度扮大佬兼教人做戲。
以上幾位上到一線，而以下幾位雖然半紅不黑，但至少添叔的劇幫過他們重要一把：
劉錦玲
亞視出身，紅唔到，過無綫，其實可以話未真正紅過。但至少參與添叔1997的《天龍八部》阿朱一角，叫做有返個代表角色。幾年前退出做保險。短暫的演藝生涯另一代表作，是自稱被李子奇胸襲奇聞。
陳少霞
（網絡圖片）
講演藝生涯短暫，陳少霞亦好短，大約10部劇。雖然曾經受劉德華提攜開戲俾佢擔正，但蝕到入肉，反面收場；但在添叔榮休宴上合照破冰。轉投無綫後未有大紫大紅，不過1996年在添叔《笑傲江湖》做岳靈珊、1998年陳小春版《鹿鼎記》做雙兒，都算係觀眾會記得佢的角色。
李若彤
（網絡圖片）
從以上幾位就知道，8,90年代最容易紅遍中港台的相信係金庸武俠劇。1995年版，李若彤雖然演技唔夠陳玉蓮，但外形搭夠。與古天樂2個出道無耐，添叔夠膽用嚟擔正，結果小龍女成為李若彤代表角色；而楊過，講古天樂劇集代表性，就無可能及得上《創世紀》張自力、《尋秦記》項少龍。
陳山聰
（晴報圖片）
《我的如意狼君》(2011) 和《天梯》(2012) 整體真係麻麻。《我》有麗淇姐的趕客演技、又多甩漏，《天梯》就太慢太悶，但這2套添叔自稱多多少少都「發掘」和確立了陳山聰二世祖、亦正亦邪的戲路；你睇早輪《潮流教主》做潮人，日日都有人估佢究竟幫 Ali 定咖啡豪就知。而更重要係，陳山聰曾因與何超雲緋聞被TVB 雪，係添勝落足嘴頭令陳山聰可以憑《天梯》解凍出返嚟。
姚子羚
（TVB 劇照）
馬浚偉以外，《鐵血保鏢》的另一受惠者。姚子羚2004年在徐正康的《棟篤神探》做忽得妹已經提名「飛躍」，2005年《酒店風雲》Chloe 再提名飛躍和最佳女配角，所以姚子羚成名，添叔的功勞可能仲少過郭峰。但添叔是首個用姚子羚做女一的監製，正是2006年《鐵血保鏢》利祥鳳一角。
唐詩詠
（蘋果日報圖片）
同姚子羚一樣自「四葉草」出身的唐詩詠，是添叔「愛將」，愛到在《鐵馬尋橋》搵李天翔姦佢。《神探高倫布》有女一做，結果添叔再搵敖嘉年姦多佢一鑊。
不過添叔好聽叫「榮休」，查實亦非完美收結。例如《巾幗梟雄》第3輯《諜血長天》被抽起，現正8點半檔原本是添叔15集賀歲劇《財神駕到》，不過添叔自稱TVB為了盡量在4月視帝祥、毛姐、陳國邦新處境劇《八時入席》出街前清晒視帝祥的劇，就讓路俾35集的《公公出宮》出街先。
（TVB 劇照）
而講劇集質素一樣「臨老過唔到世」。添叔選角固然（曾經）有一手，但其實佢近年劇集能夠保住金牌監製招牌，好大程度上都係因為碼住張華標做編審。未知係咪因為2010張華標去大陸拍劇，加上添叔一直想拍《呂后傳奇》但開唔成，又老早想退休；而逢係唔續（長）約（例如陳豪、視帝祥）喺TVB 只剩帶新人作用，所以添叔臨退休《神探高倫布》谷下葉廣蔭，《我的如意狼君》、《天梯》就俾長期跟添叔、張華標搵食的石凱婷、陳靜儀機會省下到招牌，又重召徐達初回巢同蕭朗寫《宦海奇官》，但質素真係爭啲。