《我是歌手4》李克勤淪為郎朗「伴唱」？

湖南衛視《我是歌手4》即將去到大直路，4月8日將會是總決賽。而昨晚（3月25日）「（終極）淘汰賽」一集，送禮勤事前已放晒風搵老友郎朗伴奏，唱回自己歌曲《我不會唱歌》，最後亦於該集排第一。不過有不少觀眾、網民就指為Barcode勤鋼琴伴奏的郎朗表現反而更搶鏡，明明是主角的李克勤淪為「伴唱」：

片中可見郎朗表情、動作確係容易引人注目，不過這種「台風」正是郎朗招人話柄之處。尤其是在有深厚西洋古典樂文化根基的地方，郎朗長期廣受批評。雖然技術無話可說，但在表達樂章方面不時出事，加上台上一貫誇張的表情及動作，讓不少古典樂迷及評論人認為他藝術造詣不足、品味庸俗，而「成功」只在於識行銷。

所以呢，呢啲大陸歌唱節目，歌手「鳩叫」唱法、經常都聽到好陶醉又熱淚盈眶的現場觀眾，長期受香港人嗤之以鼻，視為品味惡俗；而李克勤就因為「得技巧無感情」俾人叫CD勤；但話唔定郎朗其實都係一樣，咁就啱晒節目風格同觀眾口味。
（頭盔：本人無受過古典音樂訓練及薰陶）