前Freeze成員石詠莉靠Hi-Fi發燒碟翻生！回顧香港10個主攻發燒碟重生歌手
上年有男友鄧健弘打本兼執頭執尾的石詠莉成功出碟，仲要係 Hi-Fi 發燒碟，獲不少聽眾好評，成功洗走昔日 Freeze 嗰陣除。而且據《蘋果日報》報導，唱片銷量一度僅次鄭秀文，暫時累計亦已過萬，正式叫好又叫座。
翻唱杜德偉《如泣如訴》
舊年HMV 簽唱會（HMVideal呀，你估普通旺角場呀）
其實唱功係有待改進，不過聲線OK，銷情算合理。而除咗石詠莉，以下幾位亦在發燒碟界撈到風生水起，甚至是發燒碟界天后：
趙學而
1988年新秀落選，報TVB藝訓班而入行。拍劇有《O記實錄》、《勇往直前》、《皆大歡喜》；主持過 《娛樂新聞眼》、《婦女新姿》、 《都市閒情》、《勁歌金曲》；唯獨老本行出唱片發展真係普通，多年來自己hit 歌不算多，都係《尋開心》、《每隔兩秒》、《自欺欺人》。反而翻唱歌仲hit，例如《我說過要你快樂》、《細水長流》、《最佳位置》。
結果07年離開無綫後出發燒碟《聽［tīng］》，一度賣斷市。之後再添食的《聽聽》、《Trinity》、《學而。唱 chanteur》反應都唔錯。
胡琳
胡琳自稱在紐約讀書時愛上 R&B及 Jazz，出道早期亦堅持只唱呢2味，結果在主流K歌界成績慘淡。與大名娛樂解約後專攻發燒碟界玩Jazz，有別於其他多數翻唱經期英文歌或廣東國語老歌，Jazz Them Up及Jazz Them Up Once More專改編4大天王作品，成功闖出一片天。
蔡琴
發燒碟界天后，去專賣唱片鋪聽下就知道享受。《無間道》梁朝偉講過晒：「高音甜，中音準，低音勁。」（雖然本身講部膽機），亦係蔡琴「翻生」原因，因為的確唔少人因為呢套戲先知蔡琴同《被遺忘的時光》。
呂珊
無綫常見綠葉，實為另一發燒碟界天后。幾歲已經去酒廊唱歌，又唱過荔園、新秀、80年代出過流行碟；聲未必最靚，但有一定唱功，而且唱得夠雜。英、粵、國語的老歌以至8、90年代流行曲一樣handle 到。
劉美君
劉美君都曾經有多首hit 歌，不致於被人遺忘，但身處8、90年代只可以話時也命也，亦輸得合理。一度移民美國再回流，2008年復出香港主流樂壇。新歌搵林海峰featuring《大開色界》，加多首《私人補習》，配合復出演唱會的挑逗梁家輝。諗住想sell 意識「大膽」，補多首夕爺出品慘情歌《浮花》，以為夠穩陣。可惜噱頭一過，一班主流歌迷靚仔已經無人識你劉美君。唯有轉戰Hi-Fi 碟市場玩翻唱延續歌手生命，連Twins《戀愛大過天》都玩埋。
羅敏莊
前無綫藝員；歌手出身，1995年攞過叱咜生力軍銀獎。不過及後發展平平，2000年後加入TVB，直到2010年《超級巨聲》現身唱《挑戰者》才提醒眾人她歌手的身份。雖然唱功及聲線唔算好，但同趙學而一樣，自己歌hit 唔到，專翻唱90年代流行曲反而成為發燒碟界常見名字。
Susan Wong
現名黃翠珊，是本文最強逆轉的例子。1997年曾以黃浩詩之名出過碟Introducing Janelle，僅賣3000隻，相信記得的人極少。98年又因唱片公司嘉音見金融風暴而撤出香港，重操會計師故業。
2003年得Hi-Fi碟界猛人Keith Yip發掘，轉戰發燒碟界出第一隻碟 Close to You翻唱經典英文歌，聲稱0訪問0宣傳下賣2萬隻，並且之後的唱片亦平均過萬隻銷量。
（更多請自行Youtube 搜尋，或看 Susan Wong Youtube Channel）
盧冠廷
最近時隔22年再出碟，重新編曲舊作的發燒唱片Beyond Imagination，唔夠1個月賣過萬隻。又獲同業太極樂隊劉賢德都大讚「係示範級天碟中天碟」，令本身諗住出完碟就退休的盧冠廷笑言真係Beyond Imagination。
林子祥
眾所周知林子祥音樂造詣不錯，所作音樂極之多元。而一曲《十分十二吋》串燒歌已經顯示其想法及功力，不過早已減產。2010年出發燒remix碟Lamusique再玩medley，老咗玩唔返以往激昂唱法轉玩醇厚，一樣大收旺場，再添食Lamusique Vintage2011、LAMUSIC Original Classics，但主流大眾只掛住插佢的《衝上雲霄》。
翻唱杜德偉《如泣如訴》
舊年HMV 簽唱會（HMVideal呀，你估普通旺角場呀）
其實唱功係有待改進，不過聲線OK，銷情算合理。而除咗石詠莉，以下幾位亦在發燒碟界撈到風生水起，甚至是發燒碟界天后：
趙學而
1988年新秀落選，報TVB藝訓班而入行。拍劇有《O記實錄》、《勇往直前》、《皆大歡喜》；主持過 《娛樂新聞眼》、《婦女新姿》、 《都市閒情》、《勁歌金曲》；唯獨老本行出唱片發展真係普通，多年來自己hit 歌不算多，都係《尋開心》、《每隔兩秒》、《自欺欺人》。反而翻唱歌仲hit，例如《我說過要你快樂》、《細水長流》、《最佳位置》。
結果07年離開無綫後出發燒碟《聽［tīng］》，一度賣斷市。之後再添食的《聽聽》、《Trinity》、《學而。唱 chanteur》反應都唔錯。
胡琳
胡琳自稱在紐約讀書時愛上 R&B及 Jazz，出道早期亦堅持只唱呢2味，結果在主流K歌界成績慘淡。與大名娛樂解約後專攻發燒碟界玩Jazz，有別於其他多數翻唱經期英文歌或廣東國語老歌，Jazz Them Up及Jazz Them Up Once More專改編4大天王作品，成功闖出一片天。
蔡琴
發燒碟界天后，去專賣唱片鋪聽下就知道享受。《無間道》梁朝偉講過晒：「高音甜，中音準，低音勁。」（雖然本身講部膽機），亦係蔡琴「翻生」原因，因為的確唔少人因為呢套戲先知蔡琴同《被遺忘的時光》。
呂珊
無綫常見綠葉，實為另一發燒碟界天后。幾歲已經去酒廊唱歌，又唱過荔園、新秀、80年代出過流行碟；聲未必最靚，但有一定唱功，而且唱得夠雜。英、粵、國語的老歌以至8、90年代流行曲一樣handle 到。
劉美君
劉美君都曾經有多首hit 歌，不致於被人遺忘，但身處8、90年代只可以話時也命也，亦輸得合理。一度移民美國再回流，2008年復出香港主流樂壇。新歌搵林海峰featuring《大開色界》，加多首《私人補習》，配合復出演唱會的挑逗梁家輝。諗住想sell 意識「大膽」，補多首夕爺出品慘情歌《浮花》，以為夠穩陣。可惜噱頭一過，一班主流歌迷靚仔已經無人識你劉美君。唯有轉戰Hi-Fi 碟市場玩翻唱延續歌手生命，連Twins《戀愛大過天》都玩埋。
羅敏莊
前無綫藝員；歌手出身，1995年攞過叱咜生力軍銀獎。不過及後發展平平，2000年後加入TVB，直到2010年《超級巨聲》現身唱《挑戰者》才提醒眾人她歌手的身份。雖然唱功及聲線唔算好，但同趙學而一樣，自己歌hit 唔到，專翻唱90年代流行曲反而成為發燒碟界常見名字。
Susan Wong
現名黃翠珊，是本文最強逆轉的例子。1997年曾以黃浩詩之名出過碟Introducing Janelle，僅賣3000隻，相信記得的人極少。98年又因唱片公司嘉音見金融風暴而撤出香港，重操會計師故業。
2003年得Hi-Fi碟界猛人Keith Yip發掘，轉戰發燒碟界出第一隻碟 Close to You翻唱經典英文歌，聲稱0訪問0宣傳下賣2萬隻，並且之後的唱片亦平均過萬隻銷量。
（更多請自行Youtube 搜尋，或看 Susan Wong Youtube Channel）
盧冠廷
最近時隔22年再出碟，重新編曲舊作的發燒唱片Beyond Imagination，唔夠1個月賣過萬隻。又獲同業太極樂隊劉賢德都大讚「係示範級天碟中天碟」，令本身諗住出完碟就退休的盧冠廷笑言真係Beyond Imagination。
林子祥
眾所周知林子祥音樂造詣不錯，所作音樂極之多元。而一曲《十分十二吋》串燒歌已經顯示其想法及功力，不過早已減產。2010年出發燒remix碟Lamusique再玩medley，老咗玩唔返以往激昂唱法轉玩醇厚，一樣大收旺場，再添食Lamusique Vintage2011、LAMUSIC Original Classics，但主流大眾只掛住插佢的《衝上雲霄》。
